Водич за подароци
100+ предлог подароци за сите битни мажи, жени и деца во вашиот живот. И пред сѐ, за себе.
Прво пробав да ве убедам да не купувате ништо ново овој месец, па потоа пробав да ве убедам да не трошите многу пари овој месец. Failing that, овој пат ги нудам моите предлози за кул работи што се достапни во Скопје, а може да ги купите за луѓето што се на вашата nice листа, или уште подобро, за себе.1
под 500 ден
Ebelin четка за масажа на тело, од дрво со влакна од вепар (dm, 359 ден)
Најдобриот (плус па и рачно изработен и природен) путер за тело,. одличен за во зима, со мирис на чоколадо, my review is here (LaSoy, 350 ден)
Artisanal леб од кисело тесто (Зрнце, 240 ден)
Продавниците на музеите обично се гаранција за добро дизајниран подарок: бележник од Музејот на современа уметност (МСУ, 250 ден)
Budget-friendly чашите за пиво/сок Paşabahçe Bistro од кои што сум презадоволна и за кои што веќе пишував тука (Homax, 425 ден)
Кул држач за четки и паста за заби (Technopolis, 400 ден)
Мојот омилен комплет лакови за нокти Essence 3/1, за којшто веќе пишував овде (dm, 119 и 99 ден)
Метла за чистење со рачка од бамбус и лопатка (Jysk, 350 ден)
Сина или црвена пластична вазна (Technopolis, 350 ден)
Мал шарен тепих, 90cm x 60cm (Vellea Home, 500 ден)
500 - 1500 ден
Прекрасни, шарени, стаклени лажички за сладолед што ме потсетуваат на лажичките од Еурокрем (Zara Home, 6 за 1.190 ден)
Кога сме кај лажички што нѐ потсетуваат на Југославија, проверете го и овој прибор за јадење сличен како тој што го имаше баба ти, ама со бамбусови рачки наместо пластични (Zara Home, 3 парчиња за 1390 ден)
Тегла Медена џундаја крема од 350 гр (Леска, 650 ден)
За другарката што знае тарот, го има гледано Practical Magic барем 3 пати и ти ја кажа Chappell Roan, a притоа и прави добри забави, книга со коктели WitchCraft Cocktails: 70 Seasonal Drinks Infused with Magic & Ritual (Академска книга, 879 ден)
Vintage вазна од месинг (носталгично, 700 ден)
Едно од двете саксиски цвеќиња што наводно е најтешко да се убијат: сенсеверија (City flowers, почнувајќи од 1300 ден) или замија (City flowers, почнувајќи од 1370 ден)
Оваа година слики од ретро фотоапарати беа насекаде по интернет. Изберете меѓу технологија од 90тите како овој Vintage Vardem Point & Shoot (Апаратека, 700 ден) или од раните 2000ти како овој Lumicron 524 Z3 дигитален апарат (Апаратека, 1000 ден)
Ваучер за индивидуална или фамилијарна претплата на 1Password, мојата омилена апликација за чување лозинки. Ја фалев и претходно тука (1Password, почнувајќи од USD25)
На најорганизираната вработена мајка што ја знаете, што стигнува на сите детски настани, подарете ѝ го овој комплет од магнетна табла за на фрижидер + маркер + weekly планер (Литература, 960 ден)
Беж чаршаф за маса Кastanie 140x240cm (Jysk, 1250 ден)
За елегантните луѓе што не сакаат паричници, подарете штипка за пари и картички, од месинг (Kares, 1290 ден) или од полиран никел што се вика Threesome затоа што има 3 прегради (Kares, 949 ден)
Кога веќе нема да носите монети со себе (нели штипка) треба да се најде решение за сите тие монети расфрлани насекаде по дома. Решението е оваа касичка во вид на златна плочка (Литература, 998 ден)
Кутија за путер од нерѓосувачки челик (Technopolis, 1199 ден)
1500 - 5000 ден
Моите омилени патосници за бања Оrrefors 60x90 (Jysk, 2199 ден)
Сет од 3 парчиња декоративни чинии за сервирање, направени од не’рѓосувачки челик од 14, 17 и 23 cm (Kares, 2290 ден)
За напредни цвеќари, едно од најубавите (види ги тие листови!) саксиски цвеќиња, маранта (City Flowers, 1500 ден)
Сега кога сите проверуваме колку е саат на телефон, или на smart watch, ѕидни часовници се вид во изумирање. Еве еден добар за во кујна на пример (Литература, 4995 ден)
Интересна преносна ламба што се собира, направена од хартија и дрво што работи на usb полнач (Zara Home, 1990 ден)
Најдобрата летна прекривка за кревет ever made т.н фротирка, во две димензии, секој чесен македонски дом што држи до себе треба да има барем една (Фротирка 1.592. или 2.502 во зависност од големината)
Лего сет Wildflower Bouquet од 939 парчиња (Kрш, 4799 ден)
Дуксер од вештачко крзно со зимски принт (Oysho, 4490 ден)
Oчигледно сум опседната со вазни, мора да ги има во секоја ценовна категорија. Оваа е жолто-бела и стаклена (Литература, 2495 ден)
над 5000 ден (a girl can dream)
Avarua чинија за сервирање, (да само една) од 33 cm. (Villeroy & Boch, 7090 ден)
The iconic цедилка за лимон, на познатиот индустриски дизајнер Philippe Starck (Литература, 6899 ден)
Свеќи се за сиромашни, и реално lame подарок се. Наместо тоа, подарете камин за маса, направен од фиберглас, не’рѓосувачки челик и природни камења (Kares, 11390 ден)
Инстант филм апарат ја прави секоја забава за 15% поинтересна. Fujifilm Instax Mini 12 е cute избор и можете да изберете помеѓу неколку пастелни бои (Pix+, 7499 ден)
Staub La Cocotte тенџерe 33 cm во боја на цреша (Kares, 26.799 ден)
Последни вазни, ветувам. Оваа ја има во повеќе големини, изработена е од алуминиум-никел легура и дизајнирана од Аndreas Ostwald (Kares, 5480 – 7140 ден), а оваа има симпатична илустрација (Villeroy & Boch, 15900 ден)
Coffee table книга Egon Schiele. The Complete Paintings 1909-1918 (Академска книга, 8479 ден)
Забележав дека повеќето од овие предлози се за жени или мажи што држат до себе :) Во продолжение уште предлози за остатокот од населението на овој свет: другите мажи и децата.
За мажи
За the coffee connoisseur, сад за млечна пена (Kares, 569 ден) или vintage стаклени филџани (носталгично, 200 ден за еден)
За гејмерот во вашиот живот, ваучер за Steam (од 5+ евра)
За board гејмерот, ваучер од Гоблин (од 100+ ден)
За ретро гејмерот, сет од 5 Pac-Man подметачи (Литература, 799)
За омилениот fashionista мoже чорапи со Кермит (Springfield, 470), бубреже2 (Levi’s, 833 ден), кожен ремен (Zara, 1990 ден), или безбол капа (Diesel, 5129 ден)
За мажот што actually готви, фенси скапо маслиново масло или фенси скап шафран од Кандиа или cayenne peper (Belina, 185 ден за 30 гр)
За ликот што живее во теретана, шорцеви за вежбање Adidas train essentials (Sportvision, 1243 ден) или памучен пешкир со извезена мотивациска порака (Фротирка, 270 ден)
За вашиот омилен филм бро, Fight Club кутија за сапун (Technopolis, 350 ден) или Stormtrooper Mask ламба (Гоблин, 1990 ден)
За мажот што пие само жестоко, Gift box Smidgin или Welder’s gin, единствените брендови на македонски, локално произведен џин или сет 6 чаши за виски (Теchnopolis, 4000 ден)
За мажот што пие само вино и излегува во винарии, подарете алатка за чистење на декантери (Technopoils, 1200 ден) или сет од 2 затворачи за шишиња (Kares, 990 ден)
За напредно ниво домаќинот што прави коктели, книга за коктели Mr Lyan's Cocktails at Home (Aкадемска книга, 1199) или чаша за Moscow Mule (Kares, 899 ден)
За планинарот или the outdoorsy лик, ваучер од Outdoor.mk (почнувајќи од 1000 ден)
За човекот што има куче, сет забавни магнети Кучешки газови (Литература, 1230 ден)
За деца
Голема е веројатноста дека сите деца во вашиот живот веќе имаат повеќе од доволно облека и играчки. Мојата препорака е да им купите книги бидејќи никогаш не постои нешто како премногу начитани или премногу едуцирани деца, плус денешните деца имаат проблем со читање.
Алтернативно, подарете им искуство. Земете ги со вас еден ден и ако се поголеми деца, дозволете им да ве однесат каде што сакаат. Ако се помали, вие смислете како ќе се одвива денот. If you do it right, денот може да стане core memory, што би рекле младите.
Персонализирана бањарка со името на детето може да биде исто така океј подарок. Тrigger warning: единствениот достапен фонт е Jokerman (Фротирка, 1625 + вез што чини 16 ден по буква)
Мојот омилен подарок за деца сепак е слика. Некои од моите омилени уметници што прават слики прифатливи за во детска соба се Лидија Пачемска Џонс, (Artonline од 3500 ден за слика), Ване Костуранов (kosturanov.com од 190 евра за принт)
Last but not least, Потсетување дека ланските водичи за подароци сѐ уште важат и се со обновени линкови и цени.
Mојот водич има
🗞️ (Хипер)локални вести
Настанот на неделата секако беше немањето вода за неколку саати и скопјани што се спремаа како за апокалипса наспроти фактот дека Водовод си ја заврши работата и пред предвидениот рок. Underpromise & overdeliver <3
Koга сме кај скопјани, исто како и претходната недела, продолжува сагата со казнувањето непрописно паркирани возила и уште поплаки од луѓето што не се ни свесни дека се жалат затоа што полицијата actually го спроведува законот.
Од Новогодишни украси од тоа што видов, Амигос во Diamond има најфенси декор, а специјална награда добива кафичот Рузвелт затоа што се единствените што го имаат и The Grinch на застаклената тераса.
📍 Место на неделата
Бомбониера - кафичот на Краш (Лондонска 6) немаше од рекламираното и ептен привлечно бајадера панетоне, рекоа дека се потрошило за еден ден, ама се надеваат дека ќе им стигне ново. Наместо тоа, пробав Краш special капучино со топено Животинско Царство, кое како и сите други кафиња со чоколадо не е нешто многу добро. Кога сме кај прозиводи на Краш, јас имав предрасуди за нивните Кi-Ki бонбони и мислев дека се тврди и затоа ги купив сега скоро кога ме болеше грло. Испадна дека се карамели - меки, сочни и овошни и воопшто не се гробишта-благо. Во продавницата има само малина, само јагода и tutti frutti што се најдобри од трите и имаат 5 вкуса (лимон, малина, јагода, мандарина и портокал). Колачите достапни во кафиќот се на Sunday. Ако сте фанови на бапски благи, има баклави, тулумби, еклери и сл. Атмосферата е многу смирена, после 5 попладне сите маси беа зафатени. Имаше луѓе со книги, другарки на тивок муабет, парови што си ќутеа и сл.
🔗 Вреди да се кликне
Ретроспектива на онлајн измамите во Македонија за 2024 година - IT.mk
Домаќинствата со пушачи од семејниот буџет издвојуваат 13,2% за купување цигари - Нова Македонија
Водоводните цевки од пред 60 години поздрави од поновите кои рѓосуваат - Радио Слободна Европа
„Бехтел“ по нарачка: Како американскиот гигант работи низ Балканот - Призма3
🗓️ Оваа недела во Скопје
Настани во тек
Во Кинотека оваа недела се одржува фестивалот Прво па женско #12
Во Cineplexx се прикажуваат Gladiator 2, Wicked и Dražen, а од 26 декември ќе почнат да се прикажуваат и We Live in Time со Andrew Garfield, Florence Pugh и Better Man - мајмунскиот биографски филм за Роби Вилијамс.
Во Националната опера и балет на репертоарот се 4 изведби на балетската претстава Оревокршачка (две изведби на 26 декември и две на 27 декември) и една на Дон Кихот (24 декември)
Во МНТ оваа недела претпремиера и премиерa на Бог на колежот во режија на Весна Петрушевска (24 и 25 декември) и една изведба на Марта Верина (26 декември)
Во Драмски театар оваа недела на репертоар претпремиерата и премиерата Фамилијата Адамс во режија на Теа Беговска (24, 25 и 27 декември)
Во Музејот на современата уметност моментално се поставени 3 изложби: Прекршено време. И светот се пресоздава од тоа што го заборава (до 30 март) и Војна на сетилата/Војна врз сетилата
Во Националата галерија во тек е изложбата Сликоиди – Метагалактик на Данко Фришчиќ во Мала станница (до 26 декември) и изложбата Патување низ боите на Башким Меџити во Чифте амам (до 16 јануари)
Изложба ФАБ ЛАБ: Природно осветлени фабрики на Архитектонски факултет (до 25 декември)
Студентска изложба Мал формат во Сули ан (до 30 декември)
Новогодишен базар во City Mall (до 31 декември)
Новогодишен базар Winter magic Madzari во Маџари (до 5 јануари)
Изложба на Љупчо Бојаров и Каја Тасевска во Културно-информативниот центар (до 15 јануари)
Зимзоленд на паркингот пред СЦ Јане Сандански (до 19 јануари)
Настани (23 - 29 декември)
Новогодишен концерт на одделот за жичани инструменти од ДМБУЦ Илија Николовски Луј во КИЦ (23 декември)
Новогодишен концерт на одделот за дувачки инструменти, соло пеење, хармоника и удирачки инструменти од ДМБУЦ Илија Николовски Луј во КИЦ (23 декември)
Цртачки ѓурултии со Владимир Лукаш во Буква (23 - 25 декември)
Промоцијата на публикацијата Циклус цртежи Мариово 1936 од Борко Лазески во Музеј на македонската борба за самостојност (24 декември)
Изложба Барокна Подморница на Влада Урошевиќ и Марко Трпески во МАНУ (24 декември)
Изложба „Џинови и снегулки“ на Христина Иваноска во Музејот на Македонија (24 декември)
Зимски книжевен кружок во Илика (25 декември)
Предновогодишно празнување и потпишување на книгата Приказничар од Жарко Кујунџиски во Антолог (25 декември)
Новогодишен концерт на учениците од ДМБУЦ Илија Николовски Луј во ДМБУЦ Илија Николовски Луј (25 декември)
Аца Лукас во СЦ Борис Трајковски (25 декември)
Концерт на Taxi Consilium во Sе (25 декември)
Промоцијата на книгата Ретки птици на Ненад Георгиевски во Лабораториум (25 декември)
Новогодишен Темплум саем на книга во КСЦ Јадро (25 - 29 декември)
Литературен настан Новогодишни книжевни радости во Или-или (25 декември - 12 јануари)
Гала новогодишен концерт Слушни! Доаѓа Новата… во Филхармонија (26 декември)
Изложба 100 години од раѓањето на Ристо Лозаноски во Даут пашин амам (26 декември)
Концерт на Карла Левински во Котур (26 декември)
Новогодишен концерт на музичкото училиште Enterprise во Лабораториум (26 декември)
Премиернa проекција на краткиот документарен филм Нејзина приказна во Котур (26 декември)
Новогодишен концерт на Дина Јашари Трио во Котур (27 декември)
Kонцерт на Големата Вода во Лабораториум (27 декември)
Уметничка презентација на колективот The Humanitarian Crisis Illogical Management Bureau - HCIMB (ΓΑΔΑΚ) во Јадро (27 декември)
Румена го потпишува ТОНИ во East Gate (27 декември)
Еквалис слави 7ми роденден во Еквалис (27 декември)
Новогодишно матине во МСУ (27 декември)
Зборуе Радио Скопје во Ла Кања (27 декември)
Концерт на YVGOSLAVIA во СЦ Дуња (27 декември)
Концерт на Александар Велики во Буква (27 декември)
Две години Мрак и изложба во Old School Bar (27 декември)
Предновогодишен концерт Вечер под ѕвездите на Боемска Улица (27 декември)
Протестен марш за чист воздух пред Министерството за животна средина и просторно планирање (28 декември)
Под земја полесно се дише #10 во гаражите под плочник, позади Соборна (28 декември)
Atheist Rap во Маракана (28 декември)
Ареа во Јавна Соба (28 декември)
Предновогодишна размена: облека, книги, модни додатоци во СЦ Дуња (28 декември)
PMG greatest hits во Макка и Епицентар (28 декември)
Промоција на книгата Македонскиот вокален мелос во современиот контекст – оживување на една заборавена музика на Вера Милошевска-Јосифовска во Филхармонија Бар (28 декември)
Првата македонска хипхоп танцова симфонија Потрага по среќата во Македонска опера и балет (29 декември)
Coca-Cola Дедомразовска трка на Плоштад Македонија (29 декември)
Настани за деца
Инклузивна претстава Другарство во МКЦ (23 декември)
Детска театарска претстава Снежана и Дедо Мраз во Јавна Соба (24 декември)
Мултимедијален новогодишен настан за деца Дедо Мраз дојде со воз на Железничката станица во Скопје (секој ден од 25 до 29 декември)
Mузичка претстава Трите самовили го бараат Дедо Мраз во Diamond Mall (27 декември)
Новогодишна театарска претстава Каде е Рудолф? во Драмски Театар (28 декември)
Театарска претстава Новогодишни волшебства во City Mall (29 декември)
Новогодишна театарска претстава Гринч и случајот Н.Г во Јавна Соба (29 декември)
Претстава Необичен ден со ликовите од 5+ Фамилија во МНТ (29 декември)
Потсетување дека ниедна од овие препораки не е реклама, туку искрена препорака за производ што веќе сум го купила и сум задоволна од него или би сакала да го купам затоа што ми се допаѓа.
Ова е препишано од листата од лани, ама сепак е добар подарок и оваа година.