Еве што запаметив од моето прво патување до таму и назад.

Крал Стефан Урош II Милутин, Бил Клинтон и Адем Јашари

Грачаница e мало гратче на десетина километри од Приштина и е најзначајната српска енклава во Косово. Се скршнува десно пред влезот во Приштина. Не е добро обележано со знаци покрај патот, но се стигнува со Google Maps. Таму сме да го видиме манастирот Грачаница што е еден од најзначајните споменици на средновековната српска православна архитектура. Изграден е во 1321 година од српскиот крал Стефан Урош II Милутин, а во 2006 е ставен на Списокот на светското културно и природно наследство на УНЕСКО. Однадвор, покрај црквата, има и конаци што се дел од комплексот, гробишта и две манастирски продавнички од кои таа за храна е затворена. Црквата е стара, но е реновирана и многу зачувана. Има камен под, насликани високи столбови и преубави фрески, единствено црните модерни и метални рефлектори потсетуваат дека е 21 век. Забележувам дека нема многу места за оставање пари во црквата. Самата црква е мала и тесна и луѓето не се задржуваат многу. Велигден е, па манастирот е преполн и луѓето што се таму се поздравуваат, си го честитаат празникот, муабетат или ги сликаат децата со цвеќиња.

Излегуваме од Грачаница, стигнуваме во Приштина, ја оставаме колата некаде близу до центарот и уште во првите неколку метри гледаме билборд со Трамп. Приштина е веројатно еден од европските градови со најмногу улици, плоштади и споменици посветени на американски политичари по глава на жител. Тие се израз на благодарност за улогата на САД во војната во Косово и американската поддршка за независноста. Во текот на денот гледаме уште неколку Thank you USA you are my best friend обележја во градот: статуата на Медлин Олбрајт се наоѓа на плоштадот Медлин Олбрајт, статуата на Бил Клинтон е на булеварот Бил Клинтон, а и улицата Џорџ Буш е тука, во центарот.

Се шетаме нагоре-надолу по пешачката улица „Мајка Тереза“ што е најголемото шеталиште во градот. Во близина е Националната библиотека на Косово, можеби најпознатата зграда во Приштина, па одиме да ја видиме од близу. Проектирана од Андрија Мутњаќовиќ и отворена во 1982, библиотеката е дел од кампусот на Универзитетот во Приштина и се смета за една од најпрепознатливите и најконтроверзни градби на Балканот. Според интернетот, градбата е „или ја сакаш или ја мразиш“, а јас не можам да одлучам за ниедно од двете. Мене повеќе ми се допаѓа Палатата на млади и спорт што има огромен портрет на некој што само оддалеку личи на Карл Маркс1. Се качуваме на плоштадчето и ги има сите елементи на југословенска градба: големи бетонски жардињери, места за седење, улични светилки со млечно бел кружен лустер.

Бавна храна и еспресо на брзина

Огладнуваме, па полека се упатуваме накај Soma - slow food ресторан што изгуглавме дека важи за еден од најдобрите во Приштина (еве и Дуа Липа го препорачува). Сфаќаме дека има некои 40ина минути возење до таму и е надвор од градот. Возиме низ нешто што личи на Чаир и Саранда во исто време, само со многу повеќе легнати полицајци направени од граѓаните. Само мала полукружна лента бетон, истурена врз асфалтот од еден до друг крај на патот е доволно да ве забави, и да ги направи улиците побезбедни. Патот до таму е тесен и има премногу гужва затоа што ресторанот се наоѓа на самиот крај на едно долго и тесно излетничко место покрај реката. Паркот Гермија е најголемата зелена површина на Приштина. Се состои од шуми, ливади, ридови и долини со мрежа на патеки за рекреација и потсетува на Водно, Сарај и Градски Парк во едно. Поминуваме неколку километри фамилии со деца и групи млади распослани покрај реката Вељуша каде што го поминуваат ова неделно попладне. На самиот крај од паркот се наоѓа Soma. Во ресторанот има слободни маси и веднаш нѐ седнуваат лево од огромниот шанк, на страната со прекрасен поглед кон планината. На менито има локални специјалитети со или без модерен твист. Има две главни менија „од земјата“ и „од морето“. Нарачуваме многу мезиња и предјадења и две главни јадења и се прејадуваме. Јадењата не се комплицирани, а се вкусни: ајвар со путер од лешници, пченкарен леб со тартуфи, локални сирења и меса. Најадени се враќаме накај градот и сообраќајот во тој правец се движи многу, многу побрзо.

За кафе пак се враќаме на пешачката улица и го бираме Half & Half Café. Еспресото е одлично и околу 70 денари, вецето е лошо и нема хартија. Келнерот не е нешто љубезен, ама местото е добро за people watching.

На излегување од градот од покривот на некоја зграда нѐ поздравува Статуата на слободата.

Најблискиот Rossmann и најблискиот Decathlon до Скопје

На враќање влегуваме во Prishtina Mall, повеќе од љубопитство отколку од потреба. Влегуваме во супермаркет и сме изненадени што од вратата нѐ пречекува македонско знаме на кока-кола лименки. Набргу сфаќаме дека не е тоа затоа што „нашата Кока Кола е најдобра“ туку затоа што во Косово има закон според кој на секој производ треба да има истакнато знаме од земјата во која е произведен. Во бутиците, после првите неколку минути брза географија, ги препознавам повеќето знамиња на државите во Јужна и Југоисточна Азија (и Камбоџа и Бангладеш) и окото се навикнува на лепенките, ги игнорира и се фокусира на евтиното „идно ѓубре“ што допатувало преку 7 мориња и 77 планини. Трговскиот е огромен, купувам 3 лабела за помалку од 8 евра и Haribo гумени бонбони со лакриц2 од германскиот синџир Rossmann и рефус микс од црн, црвен и бел сув бибер (нешто што со месеци не можам да го најдам во Скопје) oд супермаркетот и одиме накај дома.

Последната станица е традиционално на последната Shell бензинска пред граница, чисто колку да се одржи традицијата да се посети на секое поминување на косовската граница. Додека се труцкаме по испокршениот Качанички Пат и ццкаме за тоа како е срамно ова да е патот што нѐ носи и враќа од друга држава, заклучуваме дека Приштина е добра дестинација за еднодневна посета и дека пак ќе се вратиме.

🗞️ (Хипер)локални вести

Новости кои може да ви направат разлика

• Матурантите од генерацијата 2025/26 кои живеат во Кисела Вода ќе можат да добијат по 10.000 денари субвенција за полагање возачка дозвола од Б категорија. Средствата ќе се доделуваат по принципот „прв дојден – прв услужен“ до нивно исцрпување. Право на аплицирање имаат матуранти кои од 1 јануари 2026 година започнале обука во лиценцирана автошкола.

• Општина Аеродром и оваа година ќе доделува еднократна парична помош од 3.500 денари за секое дете запишано во прво одделение во основно училиште на нејзина територија. Пријавувањето трае до 30 септември.

• Жителите на Гази Баба може да аплицираат за субвенција до 20.000 денари (или до 50% од трошокот) за набавка на високоефикасен инвертер клима уред. Мерката е наменета за домаќинства што се греат на дрва, јаглен, нафта или мазут и ќе ја предадат постојната печка на општината. На повикот не можат да учествуваат домаќинства приклучени на централно греење.

🔗 Вреди да се кликне

• Скопје меѓу камерите на „Безбеден град“ и реалноста на улиците - Призма

• Електричните тротинети ризик за децата – лекарите бараат забрана, полицијата со засилени контроли - ТВ21

• Со воз од Маџари до центарот на Скопје за околу пет минути – покажа споредбената тура по трасата на БРТ и на градскиот воз - 360 степени

• Волкот од Козле – жртва на заробеништво, па на импровизации - Призма

🗓️ Настани (17 - 23 јуни)

Листава ќе биде обновувана во текот на неделата, проверете пак.

📽️ Во Cineplexx моментално на редовен репертоар се: Michael, The Devil wears Prada 2, Scary Movie 6, The Mandalorian & Grogu, Masters of the Universe, Disclosure Day и Obsession, а од 10 јуни на репертоарот ќе биде додаден и филмот од Steven Spielberg со Colin Firth, Emily Blunt и Josh O’Connor.
📽️ Во кината на Киноверзум во Драчево и Кисела Вода се прикажуваат Scary Movie 6 и Disclosure Day.

17 јуни (среда)
📽️ Фестивал на француски филм: „Кралство“ во Cineplexx
📽️ „Балканот не е мртов“ во Кинотека
🎭 „Страв и надеж“ во Македонски народен театар
🎭 „За нас почнува живот“ во Лабораториум
🩰 „Госпоѓа Бовари“ во Национална опера и балет
🎻 Lea Cosy Quartet во Аудиокултура
📚🎤 „Подем и пад, мерки и раст: книжевен разговор за квантитети и кризи“ во Илика
📚 Промоција на книгата „Ти си херој“ од Денис Бојаров во Цреша Бар
🪛 Работилница за 3Д печатење во American Corner

18 јуни (четврток)
📽️ Фестивал на француски филм: „Фотографка“ во Cineplexx
📽️ „Враќање во иднина и паралелните светови во кинематографијата“ во Кинотека
🎭 „Сите најубави нешта“ во Аудиокултура
🎻 „Lullaby for Lunatics“ – концерт на Андреа Мирческа квинтет во Јавна соба
🖼️ „Секогаш во изградба“ – изложба на Ивана Самандова и Исмаел Петроу во КИЦ (до 1 јули)
🎤 Пролет на македонскиот дизајн во кафе Бреза

19 јуни (петок)
📽️ Фестивал на француски филм: „Затворање“ во Cineplexx
📽️ „Самоуништување“ – 30 години од филмот во Кинотека
🎻 America’s 250 Years of Independence: Настап на US Army Europe and Africa Ensemble пред Спомен-куќата на Мајка Тереза
🎻 Ритамот на чаршијата: – концерт на ансамблот на народни инструменти и ора „Стефче Стојковски“ на плоштад „Филип Втори“
🎸 Black Coffee на стадион АРМ
📚🎤 Skopje Pride – придружна програма: промоција на ТРАНЗИН во Љубов бар
🎤 „Птиците на Шар Планина“ – предавање на Методија Велевски во Природно-математички факултет
🛍️ Летен базар: “Сè што ти треба за совршено лето“ во Skopje City Mall

20 јуни (сабота)
📽️ Фестивал на француски филм: „Грабнување“ во Кинотека
🎭 Infusion Festival: „Трите света плус еден“ - движечка интерактивна театарска претстава во Градски парк
🎻 „Филхармонија на отворено“ во Градски парк
🎻 „Ритамот на чаршијата“ – концерт на Коста Давчевски на класична гитара во Музејот на македонската борба
🎨 Бесплатна работилница за разубавување на стари предмети во Комбо
🎸 Putan Club во Ла Кања
🪧 Skopje Pride од фонтаната „Лотус“
🛍️ Летен базар: “Сè што ти треба за совршено лето“ во Skopje City Mall

21 јуни (недела)
🎸 Петар Саркањац – промоција на деби-албумот „Conference of Grammars“ во Сули ан
🎻 Отворање на Скопско лето: Концерт „АМАНЕТ ВО СВИЛА“: Звуците на Македонија од Византија до денес: Камерен гудачки оркестар „Полифонија“ и солист Петар Христов во Музеј на македонската борба
🖼️ Отворање на Скопско лето: „Ризница на постоењето - од документ до историја“ - Изложба на Државниот архив на Р.С. Македонија во Музеј на македонската борба
🪧 Целодневен „Queer Riot“ во „Дуња“
🛍️ Летен базар: “Сè што ти треба за совршено лето“ во Skopje City Mall

22 јуни (понеделник)
📽️ Македонски филм. На големо платно: „Домаќинство за почетници“ во Cineplexx
🎻 „Светлост“ + „Џез за чудаци 33“ во Дуња

23 јуни (вторник)
🪧 „Стоп за труењето на Усје“ од пред Собрание

🎈 Настани за деца

📽️ Во Cineplexx секој ден има проекции на The Super Mario Galaxy Movie, Scarygirl, Tom and Jerry: Forbidden Compass и Finnik 2. Од 18 јуни на репертоарот ќе биде додаден и Toy Story 5.
📽️ Во кината на Киноверзум се прикажува Finnik 2.

18 јуни (четврток)
📚 🎨 Интерактивниа читачкa работилница за деца: „Скокотливата куќа“ во библиотека „Другарче“

23 јуни (вторник)
📚 🎨 Интерактивна читачкa работилница за деца: „Мишка и дваесет и осум дена од животот на бурундук“ во библиотека „Другарче“

Токму од тие пагански почетоци биле создадени Божиќните пазари какви што ги знаеме денес. Иако тие сега изгледаат многу христијански (Адвент, сцени од Христовото раѓање, елки) нивното потекло има силни пагански елементи поврзани со зимската краткодневница и претхристијанските обичаи, кои биле ритуали насочени кон повторното враќање на светлината, одбележувањето на крајот на годината и почетокот на новата.

Божиќни пазари и туристички замки

Божиќните пазари што ги има на секој ќош и се меѓу најстарите и најубавите во Европа, кафе културата, класичната музика и украсувањето на градот ја прави Виена една од најпопуларните дестинации за посета во тој период. Од грандиозниот Christkindlmarkt пред Rathaus-от (кој е толку полн со луѓе што движењето низ него е како на концерт) до помалите, поинтимни маалски пазари, градот нуди комбинација на локални рачно изработени производи, широка палета на топли и благи алкохолни пијалоци, концерти во цркви, активности за деца и атмосфера која не е само за туристи - и локалците се среќават и се дружат таму.

Прошетка: На ден кај Хабсбурзите

Дворецот Schönbrunn бил главната летна резиденција на Хабсбурзите и е еден од најзначајните барокни комплекси во Европа. Граден и надградуван низ повеќе векови, својот конечен и денешен лик го добил во средината на 1700-тите во времето на Марија Терезија и денес е најпосетуваната атракција во Виена. Во склоп на Schönbrunn, на површина од 160 хектари, покрај дворецот има огромни градини, лавиринт, шума, скулптури, зоолошка и ботаничка градина.
Најдобар поглед кон замокот има од ридот на кој се наоѓа глориетата - мала градба што тогаш била користена како ресторан на отворено, а денес има кафич со разни тортести кафиња и тортести торти.

Храна: Нечовечки количини шеќер и тужби за рецепт

Виена како престолнина на Австроунгарската Империја има богата историја на слаткарство и десерти, а нашите домаќини имаат богата историја на идење по слаткари (кога нѐ шетаа во Будимпешта пробавме 7 различни слатки во едно попладне) што значи многу од времето беше поминато во јадење благо. Најпознатата торта е секако Sacher torte чоколадна торта со чоколадна глазура што се служи со шлаг од страна. Најдоброто место да се проба оваа торта е хотелот Sacher во Виена, во предновогодишна сезона треба да се резервира отприлика месец дена однапред, па затоа ние ја пробавме во второто најдобро место - слаткарницата Demel. Измислена од слаткарот Франц Захер во 1832 или 1840, подоцна оваа торта била предмет на судски спор за оригиналниот рецепт. Денес, Sacher и Demel си имаат свои тајни рецепти, но се знае дека некои од состојќите се: путер, јајца, брашно, шеќер и чоколадо.

🗞️ (Хипер)локални вести

• Минатиот понеделник МВР го стави во функција системот Safe city, и уште на првиот ден регистираше 110000 прекршоци меѓу кои и еден што возел со брзина од 231 km/h на скопската обиколница. Фактот дека наредниот ден бројот на прекршоци паднал на 50652 е доказ за тоа колку нашиот народ е бистар и брзо учи. Освен пречекорување на дозволената брзина, ќе се казнуваат и: полукружно вртење каде што е забрането, погрешно престројување, разговор на мобилен телефон и паркирање на места со строга забрана.

• Општина Карпош објави термини во кои граѓаните ќе може да се сретнат со претставници на општината и да дадат идеи, предлози и сугестии за општинскиот буџет за 2026.

• Oпштина Гази Баба има специјална email адреса (budzet2026@gazibaba.gov.mk) на која секој жител на општината може да пише предлог-проект. Градоначалникот ветува дека секој мејл што ќе стигне на таа адреса ќе биде разгледан.

• Лабораториум, еден од најживите простори во Скопје што затвори на крај на август, се враќа со два настани оваа недела (види подолу во настаните). Иако на нивните профили на социјалните мрежи има само teasers, изгледа дека новата локација е негде кај Сојуз на синдикати, поточно: “12та Македонска ударна бригада бр, 2а - паркинг позади старата Градска болница - Скопје“ според еден од настаните.

🛜 Интернет кафѐ

3 нешта што може да ги направите на интернет, а не е скролање социјални мрежи

• Да го оптимизирате земањето слободни денови во 2026 за да добиете повеќе споени денови. Со стратешко земање слободни денови помеѓу празници и викенди ќе минимизирате колку работни денови користите, а ќе максимизирате колку слободни денови имате во низа. Математиката може да ја направи алатката https://spoidenovi.mk

• Да го проверите вашето ниво на медиумска писменост. Четири квиза со совети и објаснувања на теми како манипулација со информации, препознавање на пропаганда и лажни вести, дигитална безбедност и сл.

• Да го проверите вашето знаење за човекови права преку играта Навигатор. До 14 декември, со играње учествувате во наградна игра со главна награда: ваучер за ИТ опрема од 60.000 денари

🔗 Вреди да се кликне

Без лажни вести и без кликбејт

• Големи планови за дијаспората, мала доверба кај иселените - Рaдио Слободна Европа

• Електричните тротинети го загрозуваат пешачењето во Скопје – расте бројот на незгоди - Deutsche Welle

• Земјоделските семејства јадат повеќе леб и зеленчук, а градските повеќе месо и салами - Пари

• Зошто учениците не се писмени колку што се одлични? - Рaдио Слободна Европа

• „Женското е туѓа фамилија“ - Медуза

• Едвард Хопер – најважниот американски реалистичен сликар на 20 век - Порта3

🗓️ Настани (8 - 14 декември)

Листава ќе биде обновувана во текот на неделата, проверете пак.

📽️ Во Cineplexx оваа недела на редовен репертоар се: Regretting You, Predator: Badlands, Wicked: For Good, Now You See Me: Now You Don’t, The Running Man, Bugonia, Five Nights at Freddy’s, Hajduk u Beogradu, „Утре наутро“ и „Диџеј Ахмет“. Од 11 декември на репертоарот ќе бидат додадени и Povratak Žikine dinastije и Treći svijet.

8 декември (понеделник)
📽️ Cinedays во МКЦ и Кинотека
📽️ Five Nights at Freddy’s 2 во Киноверзум
🎻 ArtChemiа: Students play во Аудиокултура
🎸 ROCK’N’ROLL IN JAZZ: Национален Џез Оркестар со Дарко Рундек, Рамбо Амадеус и Влатко Стефановски во Филхармонија (распродаден)

9 декември (вторник)
📽️ Cinedays во МКЦ и Кинотека
📽️ Five Nights at Freddy’s 2 во Киноверзум
🎭 „Народен пратеник“ во Македонски народен театар
📚 Промоција на книгата „Оние работи: есеи за женската сексуалност“ од Јасна Жмак во Netaville
📚 Доделување на наградата „Пегаз“ и промоцијата на победничкиот роман „Кривата Дијана“ од Фросина Пармаковска во Литература во Diamond Mall
🖼️ „Проткајување“ – самостојна изложба на колажи на Билјана Мицковиќво Јадро
🎤 Подкаст пред публика: „Копање по музичката историја и сегашност - Bastion“ во Круг
🎸 Џез за чудаци 15 во Буква

10 декември (среда)
📽️ Cinedays во МКЦ и Кинотека
📽️ Five Nights at Freddy’s 2 во Киноверзум
📽️ Wicked: For Good во Киноверзум
📽️ Филмска програма МСУ 2025: “Во создавање: Изведи | Исцрпи“ во Музеј на современа уметност
📽️ „Cinema Made in Italy – Денови на италијанскиот филм“ во Cineplexx
🎭 „Бели ноќи“ во Македонски народен театар
🎭 „ППЖ13: “This Is My Truth Tell Me Yours“ – перформанс на Јасна Жмак во ФДУ
✂️ Креативна работилница за креирање на лампиони од стара облека во Ништо ново
🖼️ Лара Коробкина – прва самостојна изложба во КИЦ
🖼️ Изложба „Иницирај промена креирај гласно – изложба на емоции“ во Сули ан
📚 Промоцијата на книгата „Три лица на љубовта“ од Митко Чешларов во Филхармонија
❤️‍🩹 Вечер на солидарност во Цреша бар
❤️‍🩹 Донаторска акција „Тегла плус“ на повеќе локации

11 декември (четврток)
📽️ „Диџеј Ахмет“ во Кинотека
📽️ Премиера на „Враќање на Жикина династија“ во Cineplexx
📽️ „Cinema Made in Italy – Денови на италијанскиот филм“ во Cineplexx
🎭 „Мој термин“ во Македонски народен театар
🎻 Новогодишен концерт на Градскиот дувачки оркестар во Кино Фросина
🎤 Трибина: „Остварувања и предизвици“ – заокружување на проектот „Паралели и синтези“ во КИЦ
✂️ Работилница за изработка на накит од стара облека или текстил во Ништо ново
🎸 Заеднички концерт на Мартин Џорлев, Нинослав Спировски и Мартин Георгиевски во Дуња
🛍️ Предновогодишен базар на книги во Skopje City Mall
🛍️ Предновогодишен базар во Ramstore Mall

12 декември (петок)
📽️ „Диџеј Ахмет“ во Кинотека1
📽️ „Cinema Made in Italy – Денови на италијанскиот филм“ во Cineplexx
🎭 „Торонто експрес” во Македонски народен театар
🎻 Концерт на Мухамед Ибрахими во Даут-пашин амам
🎻 „Музика сега“ во Филхармонија
🖼️ „Патувања“ – креативен инклузивен проект по повод Меѓународниот ден на лицата со попреченост во Мала станица
📚 Промоција на книгата „Само уште еден скок“ од Енис Хилми во Лабораториум
🎸 „Сецко: 40 години музика“ во МКЦ
🛍️ Предновогодишен базар на книги во Skopje City Mall
🛍️ Предновогодишен базар во Ramstore Mall

13 декември (сабота)
📽️ „К-15: Од другата страна“ во Македонски народен театар
📽️ „Cinema Made in Italy – Денови на италијанскиот филм“ во Cineplexx
🎶 „Севилскиот бербер“ во Националната опера и балет
📚 Промоцијата на новиот број на списанието „Зенит“ и разговор со Влада Урошевиќ во Метаноја
📚 Промоција на книгата за деца „Сон… и бои… и ноти“ од Алма Растодер, Калиопи Трпчева и Ади Имери во Лабораториум
🎸 Скопје Music Weekend: Voyage, Nucci и Biba во арена „Јане Сандански“
🎸 Концерт на Regina во Јавна соба
🎸 AGRY во арена „Борис Трајковски“
🎸 Cardinal Point + Sunneater во Македонски Паб „Ѕе“
🎸 „30 години Пука козметика“ во МКЦ
🎸 Бојана Скендеровски во Филхармонија
🍽 Slow Food Salon 2025: „Заедно со природата“ во хотел Континентал
🛍️ 🍽 „Храна – нашиот вкус, нашата традиција“: Саем на македонската традиционална храна во City Mall
🛍️ Предновогодишен базар на книги во Skopje City Mall
🛍️ DMWC новогодишен базар: Во ритамот на македонските традиционални занаети и креации во Јавна соба
🛍️ Предновогодишен базар во Ramstore Mall
♻️ Работна акција за уредување на просторот покрај МСУ во Музеј на современa уметност

14 декември (недела)
📽️ „К-15: Од другата страна“ во Македонски народен театар
🎻 “Контрабасов поенклас“: Концерт Ѓорѓи Цинчиевски и Анастасија Грковска во Музејот на македонската борба
✂️ Workshop маратон: ткај, шиј, вези, кукичај во Diamond Mall
❤️‍🩹 Шепаст Божиќен Маркет во Цреша Бар
❤️‍🩹 „Шепи холидејс“ - хуманитарен настан за собирање донации за над 50 бездомни кучиња во .„Комбо“
🛍️ Предновогодишен базар на книги во Skopje City Mall
🛍️ Меѓународен божиќен базар во Јавна соба
🛍️ Предновогодишен базар во Ramstore Mall
🛍️ DNEVNA 1st Birthday + Art bazar во Дневна

Настани за деца

📽️ Во Cineplexx секој ден има проекции на Smurfs, Lilo & Stitch, The Bad Guys 2 и Zootopia 2.

8 декември (понеделник)
📽️ Zootopia 2 во Киноверзум

9 декември (вторник)
📽️ Zootopia 2 во Киноверзум

11 декември (четврток)
🎭 „Том Соер“ во Театар за деца и младинци
📽️ „Биби и Боби во светот на бајките“ во Cineplexx

12 декември (петок)
🎭 „Роња, ќерката на ограбувачот“ во Театар за деца и младинци
📽️ „Биби и Боби во светот на бајките“ во Cineplexx

13 декември (сабота)
📽️ „Биби и Боби во светот на бајките“ во Cineplexx
🎭 „Пипи долгиот чорап“ во Театар за деца и младинци
🎭 Интерактивна претстава „Љубопитната принцеза“ во Јавна соба
🎭 Новогодишна претстава „Добриот и лошиот Дедо Мраз“ во Ramstore Mall
🎭 Новогодишна програма за деца во East Gate Mall
🎭 Новогодишна програма за деца во Diamond Mall
🎨 Изработка на лампиони во форма на Дедо Мраз во City Mall
🎨 Изработка на новогодишни честитки во City Mall
🎨 Работилница за младите електротехничари: Правење свое возило на далечинско во Skopje City Mall

14 декември (недела)
🎭 Веселата Елка во Cineplexx
🎭 Новогодишна претстава „Рудолф и елф“ во Јавна соба
🎭 Новогодишна програма за деца во East Gate Mall
🎭 Новогодишна програма за деца во Diamond Mall
🎻 Новогодишен детски концерт „Националниот џез оркестар во „Светот на Биби“ во Филхармонија (распродаден)
🎻 Втор новогодишен детски концерт „Националниот џез оркестар во „Светот на Биби“ во Филхармонија
🍪 Подготовка на празнични десерти – „Christmas Cookies“ во City Mall

Бугарската уметничка национална гордост и Christo

Националната Галерија на Бугарија е најголемиот музејски комплекс во земјата, во чија сопственост е државната збирка на ликовна уметност.
Веднаш зад велелепниот храм Александар Невски се наоѓа Квадрат 500, главната зграда на Галеријата и нејзиниот најголем изложбен простор со над 80 соби и хали на 4 спрата.

Иван Мрквичка е еден од основоположниците на современото бугарско сликарство. Неговото творештво претежно се движи во жанрот на битови сцени — животот во селските средини, празници, народни обичаи и сл. Неговата најпозната слика е „Ръченица“ (1894) која го прикажува традиционалното бугарско оро со истото име.
„Враќање од пазар“ (“Завръщане от пазар„ околу 1890) на Јарослав Вешин е уште една од поважните дела во галеријата. Сликата веродостојно и живописно ја доловува суровоста на селскиот живот во зима.

Во светски рамки, Christo е најпознатиот бугарски уметник. Роден како Христо Владимиров Јавашев, во 1935 во Габрово, тој работел заедно со неговата партнерка Jeanne-Claudе. Нивните најпознати дела се монументалните инсталации, кои вклучувале обвиткување на државни институции, но и локалитети во ткаенина и други материјали, меѓу кои се и германскиот Рајхстаг како и неколку острови.

Во „Квадрат 500“ може да се видат негови ептен рани дела од деновите кога бил студент на Софиската Национална Академија за Уметност, масла во мали димензии од 1950тите и неколку скици за неговите обвиткани објекти.

Meme материјал и светска уметност

Во една од галериите беше поставена најзабавната од сите изложби - On Vacation… Corpus equorum од Лучезар Бојаџиев. Се работи за преку 400 дигитално манипулирани фотографии од споменици од херои на коњи, во кои човечките фигури се отстранети од сликите. Избришаните субјекти се најчесто мажи, прикажани како ги јаваат нивните коњи и во херојски пози.
Мојата селекција се скопските коњи и еден рандом неизбришан снагатор.

Галеријата поседува преку 50000 парчиња бугарска уметност, но и европска уметност (од 15 до 19 век), како и дела од Азија, Африка и Америка. Од индиски минијатури и јапонски гравури, преку африкански ритуални предмети, па сѐ до индонезиски накит и садови од маите, ова е најверојатно најблискиот музеј во кој што може да видите различни дела од цел свет толку блиску до дома.

Ресторани за сликање и кришка леб со лутеница како street food

Едно од нештата што се битни за секој град е да има ресторани што се храбри да експериментираат со менито, храната, состојките. Мade in Blue и неговата помала сестра Dark Sister (претходно позната како Made in Home) се интересни ресторани со свеж и инвентивен пристап кон менито и комбинирањето состојќи. На менијата во двата ресторани најзастапени се лесни оброци, квалитетни и свежи состојки, без многу месо и похованици/прженици. Мене ми е must-visit место на секое одење во Софија, а овој пат на масата до нас имаше екипа Македонци, што и да значи тоа во овој контекст.

Скоро исто толку интересен, добро осмислен и tasteful е ентериерот на рестораните. Не знам да пишувам за мебел и внатрешен дизајн, ама не ми беше срам да сликам.

Македонците, како за народ што се смета за изумителот на ајварот и вистинскиот, прав сопственик на неговата трговска марка, има крајно непретприемачки, да не речам несериозен пристап кон овој производ. Парче леб со ајвар и сирење е staple на секое детство, а апсолутно никој никогаш немал и нема никаква намера да го продава како улична храна.

Ако имате дома некој лев и ви треба причина да се прошетате до источниот сосед, да ве потсетам дека од 1 јануари 2026, Бугарија целосно го укинува левот како валута и преминува на користење само евра.

🗞️ (Хипер)локални вести

Само вести за ѓубре се битни вести во овој град :(

• Општина Центар постави контејнери за кабаст отпад на повеќе локации. Види ги локациите овде.

• Општина Аеродром од денес почнува со бесплатно собирање кабаст отпад што ќе трае до средината на ноември. Види ги локациите и термините овде.

🔗 Вреди да се кликне

Без лажни вести и без кликбејт

• Македонскиот текстилен сектор во очај - машините стивнаа, кошулите останаа недошиени - Bloomberg Adria

• Скопје се гуши во губре - какви решенија нудат кандидатите за градоначалници? - Deutsche Welle

• Скриени ризици за државните отворени податоци - Призма

• Како државата ќе го решава недостигот на специјалисти? - Радио Слободна Европа

• Државата мижи пред нечовечките услови во психијатриските болници - Радио Слободна Европа

• Возачи ги игнорираат сообраќајните правила - ВидиВака

• КОЧАНИ - Нашиот морален компромис - ИРЛ

🗓️ Настани (29 септември - 5 октомври)

Листава е обновувана во текот на неделата

📽️ Во Cineplexx оваа недела на редовен репертоар се: Superman, The Naked Gun, The Freakier Friday, The Conjuring: Last Rites, A Big Bold Beautiful Journey, Him, Demon Slayer: Kimetsu no Yaiba Infinity Castle, One Battle After Another, и Kontinental ‘25. Од оваа недела на репертоарот ќе бидат додадени и македонскиот Диџеј Ахмет што освои неколку награди на Sundance, Avatar: The Way of Water и неколку музички филмови за k-pop бендот BTS.

29 септември (понеделник)
📽️ The Third Man во Кинотека
📽️ Филмски фестивал „Киненова“ во Киноверзум
📽️ Фестивал на филм и музика „Ѕирни“ во Котур и на Платото пред Домот на АРМ
🎭 „Бели ноќи“ во МНТ
🎻 Отворање на „Денови на македонска музика“ во Филхармонија
🎻 „Џез за чудаци 6“ во Буква
📚 Фестивал на европска литература „BookStar“ 2025 на повеќе локации

30 септември (вторник)
📽️ The Lady from Shanghai во Кинотека
📽️ Филмски фестивал „Киненова“ во Киноверзум
📽️ Фестивал на филм и музика „Ѕирни“ во Котур и на Платото пред Домот на АРМ
🎭 „Фамилијата Адамс“ во Драмски
🎭 „Замисли нов свет“ во МНТ
🎻 „Денови на македонска музика“: Концерт на дувачкиот квинтет Phil-Harmonic во Музеј на македонската борба
🖼️ “Сакате ли војна?” – изложба на Ертунч Сали во КСП Центар Јадро
🖼️ ,,Голем формат” - групна изложба во Музејот на Град Скопје (отворена до 8 октомври)
📚 Фестивал на европска литература „BookStar“ 2025 на повеќе локации
📚 Промоција на книгата афоризми „Афористичка татковина“ на Ирена Павлова де Одорико во Друштвото на писателите на Македонија
📚 Промоцијата на книгата „Драмолетање” на Факултетот за драмски уметности
📚 Книжевна вечер со Иван Џепароски во Буква
🎤 „Дупка во главата или: може ли нешто да се научи од војната?“ предавање на Борис Буден во Чифте Амам

1 октомври (среда)
📽️ Филмски архив чешки новости во Кинотека
📽️ Филмски фестивал „Киненова“ во Киноверзум
📽️ Фестивал на филм и музика „Ѕирни“ во Котур и на Платото пред Домот на АРМ
🎭 „Чудна случка со кучето во ноќта“ во Драмски
🎭 „Не се клади на Енглези“ во МНТ
🎻 Концерт на Националниот Џез Оркестар и Kurt Rosenwinkel во Национална опера и балет
📚 Фестивал на европска литература „BookStar“ 2025 на повеќе локации
📚 Промоција на книгата „Образ во огледало“ од Никола Дукоски- Дуко во Буква
📚 „Цртајќи книжевност – Визуелно патување низ шпанскиот збор“ во галерија Руди
🎸 Нокаут во Intermezzo Music Bar
🎸 Концерт на Empty Story во Ла Кања

2 октомври (четврток)
📽️ „Македонска крвава свадба“ во Кинотека
📽️ Филмски фестивал „Киненова“ во Киноверзум
📽️ Фестивал на филм и музика „Ѕирни“ во Котур и на Платото пред Домот на АРМ
🎻 „Класика РеСтарт“ - свечено отворање на новата концертна сезона во Филхармонија
🎭 „Кафез кај кокони“ во Драмски
🖼️ „Инхерентно инертни“ – мултимедијална изложба на Христина Крстеска во КИЦ
🖼️ „Скриеното трето“ – групна изложба во Мала станица
🖼️ „Културен амалгам 2025“ – Завршна средба во КИЦ
🖼️ „Откривање и ритам“ изложба на Мартин Џепароски во МКЦ
🖼️ „Орапизам - уметноста на инацијата“ - самостојна изложба на Кристофер Канопка во Галерија Остен (до 22 октомври)
📚 Фестивал на европска литература „BookStar“ 2025 на повеќе локации
📚 Промоција на стихозбирката „Ноќен суфлер“ од Светла Јакшиќ во Буква
✂️ Работилница за пренамена на текстил во „Ништо ново“
🎤 AKTO фестивал за современи уметности во Кино на железничка зграда

3 октомври (петок)
📽️ In Memoriam Robert Redford: Legal Eagles во Кинотека
📽️ Фестивал на филм и музика „Ѕирни“ во Котур и на Платото пред Домот на АРМ
📽️ Taylor Swift: The Official Release Party of a Showgirl во Cineplexx
🎭 „Ифигенија за ништо“ во Драмски
🎭 „Мој термин“ во МНТ
🎶 „Реквием“ во Национална опера и балет
🖼️ Пре-отворање на БИМАС: Изложба на KONNTRA во Сули-Ан
🎤 AKTO фестивал за современи уметности во Кино на железничка зграда

4 октомври (сабота)
📽️🎭🖼️ Бела Ноќ на повеќе локации
📽️ In Memoriam Robert Redford: The Way We Were во Кинотека
📽️ Филмски фестивал „Киненова“ во Киноверзум
📽️ Фестивал на филм и музика „Ѕирни“ во Котур и на Платото пред Домот на АРМ
📽️ Taylor Swift: The Official Release Party of a Showgirl во Cineplexx
🎭 „Падот на Масада“ во Драмски
🎭 „Кец на десетка“ во МНТ
🎭 Онли фенс во The Dude specialty coffee
📚 Промоција на книга-сликовница „Градина полна латици“ од Иван Антоновски во Цреша бар
🎸 Концерт на N-Deck Collective во Ла Кања
🎸 13 години Skopje City Mall во Skopje City Mall
🎤 AKTO фестивал за современи уметности во Кино на железничка зграда
🪧 Стоп на геноциодот: Протестен марш во солидарност со палестинскиот народ од пред споменикот „Симфонија на мирот“
🍴Розов Пикник Појaдок на Школка во Градски парк
🍴Здрави Корeња, Полни Трпези: Фестивал на биодиверзитет во Public Room
🛍️ Handicraft pop-up sale во Public Room

5 октомври (недела)
📽️ Филмски фестивал „Киненова“ во Киноверзум
📽️ Фестивал на филм и музика „Ѕирни“ во Котур и на Платото пред Домот на АРМ
📽️ Taylor Swift: The Official Release Party of a Showgirl во Cineplexx
🎤 AKTO фестивал за современи уметности во Кино на железничка зграда
🏃 Wizz Air Скопски маратон на повеќе локации

Настани за деца

📽️ Во Cineplexx секој ден има проекции на Smurfs, Lilo & Stitch, The Bad Guys 2 и Ozi: Voice of the Forest.

30 септември (вторник)
📚 Весело и научно – детски книжевен клуб со Ана Голејшка Џикова во Dianond Mall
🎭 Лефти и Рајти го спасуваат џемперчето Воли во Јавна соба

2 октомври (четврток)
🎭 Премиера на „Челинџ“ во Театарот за деца и младинци

3 октомври (петок)
🎭 „Хајди“ во Театарот за деца и младинци

4 октомври (сабота)
🎭 „Грдото пајче“ во Театарот за деца и младинци
🛍️ Tоy Bazar во „Дневна“
🎭🎸✂️ Kid Expo во СЦ Борис Трајковски

5 октомври (недела)
🎸 13 години Skopje City Mall - Детска програма во Skopje City Mall
🎭🎸✂️ Kid Expo во СЦ Борис Трајковски

Оваа недела листата е дополнета со уште три песни што беа хитови таму пред неколку години, а верувам дека не ви се познати. Плус едно меме старо 20 години.

Политички ангажиран нигериски рап

This is Nigeria (2018) е нигериска песна од музичарот и активист Falz, преработка на This is America од Childish Gambino. Исто како и оригиналот, This is Nigeria e коментар на социјалните, политичките и културните проблеми што ги има државата во тој период. Видеото сцена по сцена го рекреира она на Gambino ама со локалните настани што беа во вестите тој период. Falz рапува за бескрајната рецесија, за полициската бруталност од страна на контроверзните SARS (Special Anti-Robbery Squad) единици, религискиот фанатизам и сексуалната злоупотреба во религиските институции и уште многу други проблеми со кои секојдневно се соочуваат Нигеријците.

Police station dey close by 6
Security reason o

Политички неангажиран гански рап

GOAT од Ay Poyoo од Гана стана вирален хит во 2020 година. Текстот на песната е претежно неразбирлив освен делот "I’m the GOAT, maa!”. Во видеото раперот се наоѓа на нешто што личи на отпад за стари гуми, опкружен со кози, користејќи ја двосмисленоста на зборот goat (коза) и кратенката GOAT (Greatest Of All Time - најголем на сите времиња). Ay Poyoo потекнува од сиромашно семејство, но парите од првиот милион прегледи на YouTube ги донираше во добротворни цели.

Меме Кенија

Only in Kenya e класика од меме, старо повеќе од 20 години. Овој интернет феномен е забавна и заразна сатирична анимирана песничка, што ги исмева рекламите што треба да привлечат туристи. Направена од британскиот аниматор Jonti Picking, песничката ја исмева Норвешка како досадна туристичка дестинација „Forget Norway! (Snoreway, amiright?)“ и ветува дека ако дојдете во Кенија ќе видите лавови, зебри, жирафи и тигри. Реалноста е дека нема тигри во Африка. Трае само 47 секунди што дефинитивно не е доволно, затоа постои и 10-саатна Only in Kenya.

Kenya, we're going to Kenya
Kenya believe it?

Танзаниска детска едукативна програма

На крај како и секогаш е детското катче.What Does Zero Mean? од Ubongo Kids е едукативна детска песна која преку забавна анимација и пеење им објаснува на децата што e бројот нула и како се разликува од негативните и позитивните броеви. Ubongo е социјално претпријатие од Дар ес Салам кое создава едукативно-забавни (edutainment) медиумски содржини за деца. Нивниот најпознат проект е едукативната анимирана серија Ubongo Kids што ги учи децата СТЕМ науки (математика, наука, технологија и инженерство), како и животни вештини и вредности. Ubongo Kids се емитува во повеќе од 40 африкански земји на неколку јазици, вклучувајќи англиски, свахили, француски, хауса, кинјарванда, кикују и луо.

Овде е плејлистата со сите песни, освен 10-саатната Only in Kenya и 2 минутната What Does Zero Mean? затоа што YouTube не дозволува детски содржини да се додаваат на плејлисти.

🗞️ (Хипер)локални вести

Идат избори, субвенции за сите (мемето со Опра)

• Град Скопје доделува субвенции за замена на постоечки азбестни покриви на куќи. Јавниот повик ќе трае до 15 октомври или до исцрпување на средства (милион денари) предвидени за таа намена. (skopje.gov.mk)

• Град Скопје исто така доделува по 20.000 ден на домаќинства што купиле инвертер клима уред за затоплување на домаќинство во периодот од 01.01.2025 година до завршување на јавниот повик. (skopje.gov.mk)

• Ѓорче Петров, пак, доделува субвенции за набавка на клима уреди и топлотни пумпи, со услови малку построги од тие за добивање субвенции за клима преку Град Скопје. (opstinagpetrov.gov.mk)

• Ако ги пропуштивте повиците за субвенции за велосипеди од Ѓорче, Карпош или Центар, сега и Град Скопје доделува парична помош (до 5000 ден) за точак купен оваа година. (skopje.gov.mk)

• Од 1 јули целосно се забранува движењето низ шумите и ќе важи најмалку до крајот на август. (слободен печат)

• „Водовод и канализација“ апелира да се избегнува непотребно трошење вода. Тоа значи да не се троши за полевање на зеленило1, бавчи и ниви, перење на автомобили и полнење на базени. Ако знаете за див приклучок, може да го пријавите на 02 3073 010 или на kontakt@vodovod-skopje.com.mk (плусинфо)

• И официјално потврдено, Flying Tiger Copenhagen ќе ја отвори првата продавница на Балканот во октомври во Скопје. Според клучните зборови во соопштението, предвидувам дека ќе биде во Еаst Gate. (независен)

• СДСМ објави 19 кандидати за градоначалници. 5 од нив се актуелни, а 14 се нови имиња. (телма)

📈 Статистички значајно

Статистики што не ги знаевме до претходната недела

• Нешто што дефинитивно не сме знаеле до претходната недела е дека (барем сметководствено) Синеплекс не е профитабилна фирма. Со цени какви што имаат, изненадувачки е да се знае дека во последните 5 години, само во 2023 Синеплекс остварил добивка - моќта на Barbenheimer. Од друга страна, просечната плата на нивните 23 вработени е скоро 52.000 денари. Дали тоа значи дека децата што скенираат QR кодови на врата се по платени 850 евра? (пари)

• Очекуваниот животен век во Македонија за жените во 2022 година бил 77,6 години, а на мажите 73,2 години. Денес, тој е околу 76.8 години за жените и 71,9 години за мажите. (deutsche welle)

🔗 Вреди да се кликне

Без лажни вести, без кликбејт

• Дипломатија во бетон: Како Југославија извезувала архитектурата низ целиот свет - Порта3

• Солидарност со вредностите на Парадата на гордоста „Скопје прајд“ преку фотоактивизам - Мета

• Македонија на удар од глобалните кризи: Како конфликтот Иран – Израел носи нова инфлациска закана - Пари

• „Борба“ за спас на Преспа од диви депонии и ѓубришта - Слободен печат

• Институциите ги знаеле нерегуларностите во „Пулс“ пред да се случи пожарот – порака од десеттиот „Марш за ангелите“ - 360 степени

• Скопје некогашна кинометропола: Секоја населба со свое кино - Пари
  

🗓️ Настани (23 - 29 јуни)

Листава е обновувана во текот на неделата

📽️ Во Cineplexx оваа недела може да ги гледате: Mission: Impossible – The Final Reckoning, Final Destination: Bloodlines и Ballerina. F1 и M3GAN 2.0 ќе бидат на репертоарот од 26 јуни.

23 јуни (понеделник)
📽️ Недела на франкофонски филм: „Ривиера“ во Кинотека
📽️ 28 Years Later во Киноверзум
🎸 Скопско лето: Баклава во МКЦ
📚 Промоција на романот „Роботот 1971“ на Бобан Богатиновски во Буква
🎤 КРИК 2025: Преобразба – вечер посветена на Славчо Димитров во КСП Центар – Јадро
🪛 Работилница за Сашико техника на везење во Ништо ново

24 јуни (вторник)
📽️ Недела на франкофонски филм: „Странецот“ во Кинотека
📽️ 28 Years Later во Киноверзум
🎭 Скопско лето: Добри луѓе во МКЦ
🎭 Скопско лето: Гидионовиот јазол во Драмски
🎻 Скопско лето: Рецитал пијано со Горјана Стојановска во Музеј на македонската борба
🖼️ „Ограничена мобилност“ интерактивна изложба во Паркот на Франкофонијата
📚 Промоција на романот „Тирза“ од Арнон Грунберг во КСП Јадро
📚 Претставување на најновите дела на Владо Јаневски во Друштвото на писателите
🪧 Од Скопје до Газа – народот вели НЕ! од пред Влада
🎤 Панел-сесии: „Креативна Европа – Соработка, мобилност и вмрежување“ во Порта Македонија

25 јуни (среда)
📽️ Недела на франкофонски филм: „Куче на суд“ во Кинотека
📽️ 28 Years Later во Киноверзум
🩰 Премиера на „Госпоѓа Бовари“ во Националата опера и балет
🩰 Скопско лето: Le Villi во Музеј на македонската борба
🖼️ КРИК 2025: Отворање на изложба „Парадоксот на Грејсленд“ во Музеј на современа уметност
🎸 Тhe Planktons во Буква
🪛 Работилница за Сашико техника на везење во Ништо ново

26 јуни (четврток)
📽️ Недела на франкофонски филм: „Таа нова година што никогаш дојде“ во Кинотека
📽️ Златна рамка: Краткометражна програма во кино Фросина
📽️ M3GAN 2.0 во Киноверзум
📽️ F1 во Киноверзум
🖼️ Месечина на љубовта: Изложба на Давор Кешќец во бифе Тафталиџе
🖼️ Градот е јавност - # 2 дел, Случајот Скопје 1945 - 2025: Самостојна изложба на Филип Јовановски во киното на Железничката зграда
🎸 „Културно лето" на платото пред салата ,,Расадник”
🎤 АИ Асистенти – Интелигенцијата на новата ера во Europe House Skopje
🎤 КРИК 2025: Работилница за животната средина, хуманизмот и современата уметност во Музеј на современа уметност
🎤 Настан за вмрежување на организациите и иницијативите кои работат на унапредување на урбаниот велосипедизам во МЦ „Матично“
🪛 Работилница „Материјални експерименти во Грејсленд“ во Музеј на современа уметност
🛍️ Ноќна шопинг терапија во East Gate Mall

27 јуни (петок)
📽️ Недела на франкофонски филм: „Убиј ги прво децата“ во Кинотека
📽️ Недела на франкофонски филм: „Слогани“ во Кинотека
📽️ Златна рамка: “Време на бетон“ во кино Фросина
📽️ Златна рамка: “Убиј ги прво децата“ во кино Фросина
📽️ F1 во Киноверзум
📽️ M3GAN 2.0 во Киноверзум
🩰 Премиера на „Госпоѓа Бовари“ во Националата опера и балет
🎻 Скопско лето: Звуците на љубовта низ италијанскиот романтизам во Музеј на македонската борба
🖼️ Групна изложба “Овој простор им припаѓа на сите“ во Јадро
🖼️ Зрно фестивал: ФотоСинтеза - изложба на алтернативна фотографија во Мала Станица
🎸 Sound of Green во Градски парк
🎸 „Културно лето" кај Крстот во Драчево
🎤 „Ре-акомодација на културните чинители” јaвно предавање на Миограг Куч и Конрад Браун во киното на Железничката зграда
🛍️ Late Night Shopping Neon 2025 во City Mall
🛍️ Cаем за бисери и рубин во Diamond Mall

28 јуни (сабота)
📽️ Недела на франкофонски филм: „Вереницата на поетот“ во Кинотека
📽️ Недела на франкофонски филм: „Вашите лица секогаш ќе ми бидат пред очи“ во Кинотека
📽️ Златна рамка: “Богатство“ во кино Фросина
📽️ Златна рамка: “Најтешкото нешто“ во кино Фросина
📽️ F1 во Киноверзум
📽️ M3GAN 2.0 во Киноверзум
🎻 Центарска симфонија на Плочник – Градски Ѕид
🎻 „Јапонско срце бие во македонски ритам“ во Македонската филхармонија
🎸 Skopje Calling 2025: Massive Attack на АРМ Стадион
🎸 „Културно лето" на платото пред салата ,,Расадник”
🏃 Вечерен РЕсет со Елена Бубало во Паркот на Франкофонија
🍴 Ксни си, пивни си во Rock Corner
🛍️ Cаем за бисери и рубин во Diamond Mall

29 јуни (недела)
📽️ F1 во Киноверзум
🎻 Концерт на импровизирана музика: Додовски, Георгиевски, Спировски во Социјален центар Дуња
🎸 Skopje Calling 2025: Joker Out на АРМ Стадион
🛍️ Artisan Sunday + Bazaar во Лабораториум

Настани за деца

📽️ Во Cineplexx се прикажуваат How to Train Your Dragon, Lilo & Stitch и Elio.

23 јуни (понеделник)
📽️ Еlio во Киноверзум
📽️ Lilo & Stitch во Киноверзум
24 јуни (вторник)
📽️ How to Train Your Dragon во Киноверзум
📽️ Lilo & Stitch во Киноверзум
25 јуни (среда)
📽️ Еlio во Киноверзум
📽️ Lilo & Stitch во Киноверзум
🎭 Скопско лето: Куќа на духовите во Театар за деца и младинци
26 јуни (четврток)
📽️ Lilo & Stitch во Киноверзум
🎻 Скопско лето: Песна за жирафата во Сули ан
27 јуни (петок)
📽️ Lilo & Stitch во Киноверзум
🎭 Во царството на другарството во Сули ан
28 јуни (сабота)
📽️ Lilo & Stitch во Киноверзум
🎤 Отворено предавање во Планетариумот на МКЦ
29 јуни (недела)
🎭 Детска програма на Културно лето" во парк „Македонија“

Пејачите толку го искасапија тој дел што ми требаше предолго да ја препознаам песната. Настанот во петокот ме потсети на една стара YouTube playlist-a што ја имав направено пред неколку години кога за плата читав вести од Југоисточна Африка2

Подолу има tldr; со линк до плејлистата за вас што ја сакате само музиката без многу мислења.

„За малку“ Африка

Baba Yetu е компонирана од Christofer Tin, направена како главна тема за видеоиграта Civilization IV во 2005 година и е изведена од Ron Ragin и Stanford Talisman. Оваа е во групата не-баш-африка затоа што Tin и Ragin се американци, Stanford Talisman е студентска акапела група од калифорнискиот универзитет Стенфорд и никакви Африканци не учествувале во правењето на песната. Се смета за африканска затоа што Тин се инспирирал од африканските хорови, традиции и ритми. Песната има пеење во форма на повик и одговор, перкусии и хармонии што се карактеристични за африканската музичка традиција. Текстот е свахили преводот на „Оче наш“. Baba Yetu е првото музичко дело од видеоигра што има добиено Греми награда, всушност две.

Ова видео е само од инсерти од BBC Human Planet што патем е единствената ТВ серија што успеала да ме трогне.

На бис: Официјалното видео на песната со анимации од Civilization IV; најверојатно најдобриот настап во живо е овде - диригира композиторот и има одлични вокали, оркестар и два хора; модерна верзија на песната со хорот на jужноафриканскиот универзитет Stellenbosch; изведба од детски госпел хор од Дар ес Салам; оваа верзија со одлични вокали и со титлови на свахили.

Работничка Јужна Африка

Shosholoza е традиционална јужноафриканска работна песна која потекнува од рударите што патувале од Зимбабве за да работат во јужноафриканските рудници за злато и дијаманти. Зборот „шошолоза“ значи „оди напред“ или „направи место да те поминат“ на ндебеле. Ритмичкиот и повторувачки стил на песната и стилот на „повик и одговор“ им помагал на работниците да работат во ист ритам и да го одржат духот во тешки времиња. Со текот на времето, Shosholoza станала симбол на издржливост, единство и надеж, особено за време на апартхејдот. Денес, Shosholoza се смета за неофицијална национална химна на Јужна Африка и често се изведува на спортски настани, протести и собири како химна на солидарност и охрабрување.

Мојата омилена е оваа од хорот во школото Roodewal Primêre Skool;

На бис: Секоја верзија на песнава е преубава: овој настап на детското хорче The Drakensberg Boys од Квазулу-Натал, оваа е најстарата снимка од песнава и е од 1961 (за жал нема од рударите), ептен жива и енергична обработка од младинскиот хор Ndlovu Youth од Лимпопо и оваа спиритуална верзија на хорот Cenestra од Јонахесбург.

Туристичка Кенија

„Jambo Bwana“ е кениска поп песна од 1982 од бендот Them Mushrooms. Насловот на песната на свахили значи „Здраво, господине“. Фронтменот на бендот ја напишал откако слушнал туристи во Момбаса како вежбаат основни поздрави на свахили, и во неа користи едноставни фрази за да го приближи јазикот и источноафриканското гостопримство до туристите.

Oва е оригиналната верзија

На бис: овој настап на плажа од рандом бенд од Паџе, Занзибар

Овде е целата плејлиста.

Во наредниот број: Уште неколку песни, сите понови од 2012.

🗞️ (Хипер)локални вести

Новости кои може да ви направат разлика

• Полицијата е недостапна на 192, таа линија не работи моментално од технички причини. МВР известуваат дека може да ги барате на 112. (независен)

• ЈСП од 11 јуни почна да вози по летен возен ред. ЈСП исто така ги информира средношколците дека имаат право на бесплатен превоз во текот на летото. Очекувајте почесто и погласно да слушате музика од задните седишта. (радио моф)

• Студентите ќе добијат ваучери од 250 евра за електронски уреди во септември. Треба само да имаат заверен семестар. (слободен печат)

• Ако сте од Карпош и досега не сте добиле Решение за наплата на данок на имот за 2025 година, може да се обратите до вашата урбана заедница или директно до Одделението за утврдување и наплата на даноци, такси и други надоместоци во општината. (karpos.gov.mk)

• Новиот Закон за енергетика, меѓу другото, предвидува инсталирање паметни броила кои овозможуваат далечинско отчитување и следење на потрошувачката во реално време. Според планот, 80% од броилата во државата треба да бидат заменети до 2031 година, 100% до 2035 (пари)

• Државата го донесе Оперативниот план за вработување за 2025 година со кој се предвидени над 40 милиони евра за невработените кои имаат намера да започнат сопствен бизнис. 10.000 евра за младите до 29 години и 7000 евра за тие над 29 години. Само во првите два дена од отворањето на јавните повици се поднесени околу 1.400 апликации. Рокот е до 20 јуни. (360 степени)

• Наполнете го резервоарот на колата до крај, Регулаторната комисија за енергетика (РКЕ) очекува дека војната помеѓу Израел и Иран ќе ја зголеми цената на нафтата во Македонија. (радио слободна европа)

• Азир Алиу е нов министер за здравство, доаѓа на местото на Арбен Таравари. „Доктор Алиу е доктор по информатички науки. Професор, човек кој со години се занимава со управување со системи, податоци и дигитални решенија.“ рече премиерот. (360 степени)

• Тротоарот на Митрополит Теодосиј Гологанов (поранешна Иво Лола Рибар) е раскопан од Католичка до Дака - продавницата за санитарија, само од јужната страна. Тротоарот на северната страна на Јуриј Гагарин од Министерство за економија до продавницата за канцелариски мебер Салон 29, исто така е раскопан.

• Порта3 пишува за металните сопки низ градот што настануваат кога се сечат сообраќајните знаци. Ги има насекаде низ градот и можат да бидат опасни. (порта3)

🏖️ Летна шема

• Летната сезона во Грција веќе е почната. Според оваа репортажа „црешите, јагодите и дел од зеленчукот со пониски цени од македонските“ (радио моф)

• Грција воведува нов закон со многу строги казни за сообраќајни прекршоци. Забрането е возењето мопед без кацига, забрането е пушење додека возите во присуство на деца под 12 години и ограничувањето на алкохолот во крвта е 0,5 промили. За користење мобилен за време на возење предвидена е казна од 350 евра и 30-дневна суспензија на возачката дозвола (пари)

• Во Србија, цените во хотелите и рестораните пораснале за 10% од лани во истото време.3 (пари)

• Во Албанија, Иванка Трамп гради луксузен ресорт на островот Сезан, поранешна воена база. (кајгана)

• Ако сте во Охрид, можете да одите до Свети Наум по новиот, реконструиран пат. (мета)

💀 Избори 2025

• Најверојатно најважната работа што треба да ја знаете за претстојните локални избори е дека големите партии сложно работат да им го оневозможат или барем отежнат обидот на независните кандидати и листи да се кандидираат на изборите. ВМРО, СДСМ, ЗНАМ и ВЛЕН поставија предлог-закон за измена и дополнување на Изборниот законик, со кој предлагаат бројот на потребни потписи што треба да ги соберат независните кандидати да се движи скалесто во зависност од бројот на запишани избирачи на ниво на општина. Така, бројката на потписи се движи од 100 до 1000, а за Град Скопје прагот е од 3 500 потписи. (сакам да кажам)

• Предлогот за воведување на една изборна единица не беше усвоен. Поднесен од Моника Зајкова од ЛДП, за него гласаа само 19 пратеници. (ТВ 24)

• Општина Центар доби зелен катастар (радио моф)

• Центар ќе го затвора Дебар Маало за коли за викенди. Секој петок од 18 часот до понеделник во 6 часот ќе биде спроведен специјален сообраќајен режим со рампи за да се забрани влез на возила и да се реши проблемот со гужвите и паркирањето. Општината ќе го достави проектот до Град Скопје, а потоа и до СВР Скопје за конечна согласност. Доколку биде одобрен, пилот-проектот ќе трае шест месеци. (инфоплус)

• Дајте им покачување на комуникацискиот тим на Герасимовски. Човекот е насекаде на сите можни (социјални) медиуми, тоа е таа работна етика што ја сакаш од твоите вработени. Само во еден ден вети дека салата „Работнички“ ќе биде готова до септември, ако го изберете ќе изгради нова општинска зграда и се среќава со гласачите секој ден до 5 јули, овде е распоредот.

📈 Статистички значајно

Статистики што не ги знаевме до претходната недела

• Еве мала весела математика за учениците од основно: ако бројот на училишта за само една година е намален за 14, ако бројот на ученици во последните 10 години е намален за 17.000 (5%), тогаш како бројот на наставници е зголемен за 7%?
  Бонус прашање за екстра поени: Како и покрај тоа што бројот на наставници по глава на дете е зголемен, 73,6% од учениците на 15-годишна возраст се функционално неписмени? (deutsche welle)

• На бракот му треба подобар ПР. Бројот на бракови опаѓа константно, а бројот на разводи расте. Во 2024 најмногу бракови склучиле луѓе на возраст од 25 до 29 години. Август е најпопуларен месец за венчавки. Најчесто се разведуваат жените на возраст од 35 до 39 години (17,7%) и мажите од 40 до 44 години (17,1%). Најкритичен е периодот помеѓу петтата и деветтата брачна година. (пари)

• Кога сме кај бракови и деца, 57.2% од мајките и 5.4% од татковците се вклучени во активности на учење преку игра со своите деца на возраст од 3 до 4 години. 73% од децата на возраст до 14 години се изложени на физичко казнување и психолошка агресија од страна на родителите и старателите. (deutsche welle)

🔗 Вреди да се кликне

Без лажни вести, без кликбејт

• Зошто Македонија не успева да го реши проблемот со бездомните животни? - Само прашај

• Аларм од АХВ: Бактерии, пестициди, нејодирана сол – што навистина стигнува на нашите трпези? - Пари

• Никнуваат згради на диво додека инспекторите ловат огради - Призма

• 457 загинати за три години, Македонија без план за безбедни патишта - ВидиВака

• Како „Д-р Пановски“ и „Фарма Трејд“ го претворија тендерот за инсулин во личен џекпот - Пари

• Нови згради никнуваат по Центар, имаат ли капацитет училиштата? - Независен

• Напуштениот „Купром“: Сцената е поставена за нови згради - Призма

• Пад на дознаките од иселеницете во 2024: Инфлација или масовно иселување? - Пари

• Се „маскиравме“ во обични граѓани и баравме средба со пратеници – еве како поминавме - 360 степени

🔗 Вреди да се кликне: Кочани

• Хуманитарен музички настан „Кочани за Кочани“ на Споменикoт на слободата во Кочани на 21 јуни

• Бесплатно лекување во Пониква за повредените во Кочани - Deutsche Welle

• Горан Михајловски: Кочани зад аголот - Сакам да кажам

• Што предвидува владиниот план за лекување на Пониква? - Deutsche Welle

• Бараме надлежните јасно да ни кажат кој е обвинет, а кој не за пожарот во „Пулс“ и зошто – порачаа родителите на загинатите - 360 степени

• Во детали: Кого и за што товари обвинителството во обвинението за Кочани - 360 степени

• Солидарност од Гетеборг за повредените во Кочани - ВидиВака

🗓️ Настани (16 - 22 јуни)

Листава е обновувана во текот на неделата

📽️ Во Cineplexx оваа недела може да ги гледате: Mission: Impossible – The Final Reckoning, Final Destination: Bloodlines и Ballerina.

16 јуни (понеделник)
📽️ The Seed of the Sacred Fig во Кинотека
🎭„Народен пратеник“ во МНТ
🩰 Credence Dance „Вечер на класичен балет“ во Националната опера и Балет
🖼️ Изложба посветена на Владимир Полежина во Музеј на македонската борба
📚 Промоција на поетската книга „Собрани остатоци од светот“ на Пепи Стамков во Буква

17 јуни (вторник)
🎭 Прво па женско: Перформанс „Сексуално образование II“ во Железничка зграда на Борка Талески 26
🎻 ArtChemia: Фолтин во Аудиокултура
🎻 Сергеј Четковиќ во Филхармонија
🎻 Ритамот на чаршијата: Чалгиската музика со Тимчо Чичаковски трио во Сули ан
🩰 Credence Dance „Вечер на современ танц“ во Националната опера и Балет
🖼️ Трета годишна изложба на професори и студенти во МКЦ
🖼️ Денови на македонска фотографија 2025: изложба и доделување на награди во КИЦ
📚 Промоција на стихозбирката „Куќичка на дрво не е дом“ од Милена Сиљаноска во Буква
🎤 Разговор со режисерот и тимот на претставата „Ангели во Америка” во Europe House

18 јуни (среда)
🎻 Сергеј Четковиќ во Филхармонија
🎻 Steady Matt во Ла Кања
📚 Промоција на стихозбирката „Скршен терариум“ од Филипа Сара Попова во Буква
🖼️ Годишна архитектонска изложба на студентски проекти во Дом на градежници
🍴🎸 Skopje Street Food Festival: Д.Н.О + Flooder на паркингот на театар Комедија

19 јуни (четврток)
📽️ Недела на перуански филм: Rеinas во Кинотека
📽️ 28 Years Later во Киноверзум
🎸 Млади за млади: Мартин Џорлев и проектот „Животни“ и Елена Васова во МНТ
🎻 Ритамот на чаршијата: Концерт на Јован Станковиќ - пијано во Музејот на македонската борба
🖼️ „Аквизиции – донации 2014-2024“ во Чифте амам
🖼️ „Inter Spem et Metum“ изложба на Славица Јанешлиева во Чифте амам
🖼️ Изложба на пастели од Илија Спасов - Чендо во КИЦ
🎭 „Одбрана и заштита“ - перформанс на Маја Зеќо на плоштад Македонија
📚 Промоцијата на книгата „Околу три по полноќ“ од Димитрие Дурацовски во Литература во Diamond Mall
📚 Книжевна вечер посветена на францускиот писател Едуар Луј во Илика
📚 Промоција на книгата „Работа со лутината во психотерапијата“ со д-р Розета Паскали во Бејкер Стрит
🎤 Младински форум за економска демократија во Europe House
🎸 How Yes No во Буква
🎸 POP2K event by WHY2K во МКЦ
🍴🎸 Skopje Street Food Festival: Conquering Lion + Bazel на паркингот на театар Комедија

20 јуни (петок)
📽️ Недела на перуански филм: Mission Kipi во Кинотека
📽️ 28 Years Later во Киноверзум
🎸 Млади за млади: Новиот почеток и Милко во МНТ
🎸 Неша Галија во Public Room
🍴🎸 Skopje Street Food Festival: South Park + Machki на паркингот на театар Комедија
🪧 Квир бунт: No pride in genocide во Дуња

21 јуни (сабота)
📽️ Недела на перуански филм: Deliciosa fruta seca во Кинотека
📽️ 28 Years Later во Киноверзум
🎻 Концерт на музика од Шопен по повод завршувањето на полското претседателство со Советот на Европската Унија на Школка во Градски парк
🎸 Млади за млади: Vagina Corporation и Светлост во МНТ
🍴🎸 Skopje Street Food Festival: Mia Perevska Bend + Vlashki на паркингот на театар Комедија
🎸 GTA Скопје на паркингот пред СЦ Борис Трајковски
🖼️ КреАрт 2025 – годишен уметнички фестивал во МКЦ
🖼️ Скопско лето 2025: „Зона фобија“ - изложба на Томе Аџиевски во Музејот на град Скопје
🖼️ “Скриениот свет“ изложба на Анастасија Зафировска во Комбо
🎻 Скопско лето 2025: „Мостови на музиката: Софија – Скопје“ во Македонската филхармонија
🪛 Работилница за поправка на велосипеди во Ништо ново
🪧 Квир бунт: No pride in genocide во Дуња
🪧 Skopje Pride 2025 од пред Паркот Жена борец
🛍️ Поддржи домашно, избери органско во Diamond Mall

22 јуни (недела)
📽️ 28 Years Later во Киноверзум
🎸 Скопско Лето: Шлаг шлагери на плато МНТ
🍴🎸 Skopje Street Food Festival: Trio Zigot + Double G на паркингот на театар Комедија
🛍️ Поддржи домашно, избери органско во Diamond Mall

Настани за деца

📽️ Во Cineplexx се прикажуваат How to Train Your Dragon, A Minecraft Movie, Lilo & Stitch и Rebellious. Elio ќе биде на репертоар од 19 јуни.

16 јуни (понеделник)
📽️ Lilo & Stitch во Киноверзум
📽️ How to Train Your Dragon во Киноверзум
17 јуни (вторник)
📽️ Lilo & Stitch во Киноверзум
📽️ How to Train Your Dragon во Киноверзум
18 јуни (среда)
📽️ Lilo & Stitch во Киноверзум
19 јуни (четврток)
📽️ Еlio во Киноверзум
20 јуни (петок)
21 јуни (сабота)
📽️ Lilo & Stitch во Киноверзум
📽️ Еlio во Киноверзум
🎤 Отворено предавање во Планетариумот на МКЦ
22 јуни (недела)
📽️ How to Train Your Dragon во Киноверзум

Наните на Ники

Врската на Niki de Saint Phalle (1930 - 2002) со градот започнала во 1969 година со нејзината ретроспективна изложба одржана во Kunstverein Хановер. Таа била толку добро примена што во 1974 година градот ѝ побарал да направи постојана инсталација во близина на градското собрание. Сент Фал дотогаш веќе имала искуство со големи уметнички скулптури, од 1965 година таа ги создавала нејзините Nanas, скулптури од жени во сите големини и бои што се нејзината верзија на „обичната жена“. Тие се одраз на архетипските женски форми и позицијата на жената во модерните патријархални општества.

Во Хановер, Сент Фал направила три Нани, што уште можат да се најдат на брегот на реката Лајне. Хановер е дом и на последното дело на Сент Фал (The Grotto во градината Herrenhausen) и на уште многу други дела од уметницата од кои повеќето може да се најдат во музејот Шпренгел. Ова воедно е и еден од двата музеи со најголема колекција на нејзини дела.

Таа е наивен уметник (уметник без формално уметничко образование) и нејзиниот препознатлив стил е разигран, весел, детски и оптимистичен, какви што се нејзините дела после 1965.

Пукачките слики на Ники

Нејзините рани дела се помрачни. Во 1961 година, Сент Фал одржала изложба Fire at Will на која биле прикажани слики од серијата Tirs1 или Shooting Paintings. Tirs делата се направени така што таа фиксирала ќеси со боја врз табла, покриени со гипсена површина. Посетителите потоа биле поканети да пукаат со пушка во сликите, (ќесите) со што ја создаваат сликата.

Подоцна, во различни дела, Ники пука во главите на претседателите, во католички олтар, па дури и во сопствениот татко, кој сексуално ја злоупотребувал од нејзини 11 години според нејзината автобиографија од 1992 год, Mon Secret („Мојата тајна“)

Fun fact: И македонскиот Музеј на современа уметност има две дела од Ники де Сент Фал.

Каква врска има уметноста со автобуските постојки?

Освен Наните на де Фал, Хановер има повеќе од 200 уметнички дела со голем формат, скулптури и инсталации, расфрлани на различни делови од градот што го прави еден од градовите со најмногу уметност во јавен простор на m² во Германија.

Посветеноста на овој град на тоа да има уметност во јавен простор се гледа и во проектот „Автобуски постојки: За поубаво чекање“. Од 1994 година, градот има уникатна колекција од дизајнерски автобуски постојки направени како дел од уметнички проект.

Создадени се вкупно девет интерпретации на темата на автобуската постојка, при што секоја од нив раскажува своја уникатна приказна. Идејата зад постојките е времето на чекање на патниците да биде мал одмор на посебно, пријатно место.

🗞️ (Хипер)локални вести

• Еве детално упатство за тоа што може да направите доколку ви стигне сметка за струја со сомнителна сума. Граѓаните кои сметаат дека сметката за струја им е неточна може да поднесат приговор до ЕВН во рок од осум дена

• Oва е фино: Колекција од скоро 1000 плочи на Горан Стефановски доби свој дом во „АудиоКултура“

🔥 Топла препорака

Mojaта препорака за оваа недела е концертот на британскиот singer-songwriter Frаnk Turner. Turner е англиски панк и фолк пејач и автор на сопствените песни. Својата соло кариера ја започнал во 2005 год, а пред тоа свирел во разни панк/хардкор бендови. Јас интензивно ја слушав музиката на Frank Turner во моите 20ти години и едвај чекам да го гледам во живо и тоа кај нас. Скоро го прослави својот 3000ти концерт и го држи рекордот за најмногу свирки во различни градови за 24 часа. Со вакви статистики позади себе, не е ни чудо што е познат по одличната атмосфера на неговите настапи во живо. Во Скопје доаѓа за прв пат, на соло акустичен настап во кино Фросина на 13 март.

🔗 Вреди да се кликне

• Македонското здружение на млади правници: Клучни факти за аерозагадувањето и правната (не)заштита - Радио МОФ

• Парк во Аеродром – мета на градежни амбиции - Призма

• 15% од децата се обезни во државава, 35% од возрасните граѓани а 50% од населението е надхрането - 24 вести

• МВР ги повлече измените на Законот за полиција кои ги изложуваа на ризик жртвите на семејно насилство - Радио МОФ

• Осмомартовски приказни – 1915, кога низ светот беснеела Првата светска војна - Порта3

• Македонците се еколошки писмени – можеби? - Дома

• Два булевара во најава во Скопје – каде ќе водат и колку ќе чинат - 360 степени

• Лица со попреченост ја слават креативноста за 8 Март - Види вака

• Осмомартовски марш во Скопје: Што ќе ни се ружи, кога немаме за леб - Радио МОФ

• Како ФЛУ 45 години ја обликува македонската уметност - УМНО

🗓️ Настани

(10 - 16 март)

📽️ Во Cineplexx оваа недела се прикажуваат: Captain America: Brave New World, Bridget Jones: Mad About the Boy, Mickey 17, Flow, Maria, A Real Pain и Le comte de Monte-Cristo. Од 13 март (четврток) може да се гледаат и The Walk („Патување пеш“) на Тамара Котевска, режисерката на „Медена Земја“ и Black Bag на Steven Soderbergh со Michael Fassbender, Cate Blanchett и Pierce Brosnan во главните улоги.
📽️ Во Кино Милениум од оваа недела може да се гледа анимираниот филм Flow и Maria, филмот за последните денови на Maria Callas
📽️ The Straight Story во Кинотека (10 март)
📽️ Maria во Киноверзум (10 март)
📽️ Mickey 17 во Киноверзум (10 март)
🎭 „Народен непријател“ во Македонски Народен Театар (10 март)
📽️ Филмски репортажи - Кирил Ценевски во Кинотека (11 март)
📽️ „Јазол“ во Кинотека (11 март)
📽️ Mickey 17 во Киноверзум (11 март)
📽️ Captain America: Brave New World во Киноверзум (11 март)
🎭 „Мој термин“ во Македонски Народен Театар (11 март)
🎻 Yale Symphony Orchestra во Филхармонија (11 март)
🖼️ Изложба на Решат Амети „Мојот пат во уметноста“ во МКЦ (11 март)
📽️ Gladiator во Кинотека (12 март)
🎸 Jay-Jay Johanson во Филхармонија (12 март)
🎭 „Лагата” во МНТ (12 март)
📖 Промоција на роман и гостување на писателката Хелене Буковски во Europe House (12 март)
📖 Промоција на книгата „Ајде да јадеме“ од Антонио Велковски во Литература Diamond Mall (12 март)
🎤 Сценско читање со Австриската актерка Алис Шнајдер во КИЦ (12 март)
🎤 Дискусија „Родот и градот: Чии се јавните простори?“ во Јадро (12 март)
🎭 „Парови“ во Драмски театар (13 март)
📽️ Gladiator 2 во Кинотека (13 март)
📽️ Mickey 17 во Киноверзум (13 март)
🎭 „Фирма“ во Драмски театар (13 март)
🎭 „12“ во МНТ (13 март)
🎸 Frank Turner acoustic во МКЦ (13 март)
🎸 Ductape во Котур (13 март)
🎸 KHIRKI во La Kaña (13 март)
🎤 Предавање на Брендон Лабел: Акустична нега и правото на слушање во Музејот на современа уметност (13 март)
🖼️ Изложба „Кога ги следевме сенките" и средба со Наташа Неделкова во Француски институт (13 март)
🛍️ Meден Фест во Diamond Mall (13 - 16 март)
📽️ Репортажи на „Филмски новости“ од Белград и Филмски архив Чешки Новости во Кинотека (14 март)
📽️ Black Bag во Киноверзум (14 март)
🎭 „12“ во МНТ (14 март)
🎸 AFLMSMP во КОТУР (14 март)
🎸 Големата Вода и bolt gun во Буква (14 март)
🎻 Plácido Domingo во „Борис Трајковски“ (15 март)
📽️ And God Created Woman во Кинотека (15 март)
🎭 „Фамилијата Адамс“ во Драмски (15 март)
🎸 Васил Хаџиманов Бенд во Public Room (15 март)
🎸 30 години No Name Nation во МКЦ (15 март)
🎸 Electronic Retreat 2025 во Skopje Event Center (15 март)
🎸 St. Patrick’s Day со Lorekeepers Guild во Beertija Pub (15 март)
🖼️ ФИЈУК Саем во СКЦ (15 март)
📖 Промоција на книгата „Напластување“ од Јасмина Атанасова во Лабораториум (15 март)
🎤 Cosmo женски разговори: грижата за менталното здравје во East Gate Mall (15 март)
🛍️ Саем за мали фармери „Вкус кој обединува“ во Skopje City Mall (15 март)
🛍️ Second hand faves pop-up sale во Макка (15 март)
🛍️ Голема пролетна распродажба во книжарница ТРИ во ГТЦ (15 март)
📝 Саем за образование 2025 во Skopje City Mall (15 и 16 март)
🏃 26-ти Шри Чинмој маратон во Градски парк (16 март)

Настани за деца

📽️ Во Cineplexx на репертоарот се овие филмови за деца: Paddington in Peru, Sonic the Hedgehog 3, Mufasa: The Lion King, Dogman, Flow и Elli and the Ghostly Ghost Train
📽️ Во Милениум секој ден има проекции на Summer Rebels, Flow, Elli and her monster team, The Chaos Sisters and Penguin Paul и Victoria Must Go.
📽️ Elli and the Ghostly Ghost Train во Киноверзум (10 март)
📽️ Sonic the Hedgehog 3 во Киноверзум (11 март)
🎭 „Што е силеџија“ во Театарот за деца и младинци (12 март)
📽️ The Chaos Sisters Feat. Penguin Paul во Кинотека (13 март)
🎭 „Пепелашка“ во Театарот за деца и младинци (13 март)
📖 Книжевен клуб за деца во Europe House (13 март)
📽️ Elli and the Ghostly Ghost Train во Киноверзум (13 март)
📽️ Hitpig во Киноверзум (13 март)
🎭 „Семе“ во театар „Сенки и облаци“ (6 март)
🎭 „Црвенкапа“ во Театарот за деца и младинци (14 март)
📽️ Elli and the Ghostly Ghost Train во Киноверзум (14 март)
📽️ Paddington in Peru во Киноверзум (14 март)
🎭 „Лажеш Мелита“ во Театарот за деца и младинци (15 март)
🎻 “Итар Пејо“ во Филхармонија (15 март)
🎭 3D бајка: „Авантурите на Пинокио“ во Националната опера и балет (15 март)2
📽️ „Бамби: приказна за животот во шумата“ во Кинотека (15 март)
📽️ The Garfield Movie во Киноверзум (15 март)
📽️ Buffallo Kids во Киноверзум (15 март)
📝 Предавање во Планетариум во МКЦ (15 март)
🎭 „Љубопитната принцеза" во Public Room (15 март)
🎨 Работилница за изработка на кукли/марионети во Лабораториум (15 март)
🎭 „Супер Вселенко и роденденската торта“ во Public Room (16 март)
📽️ Vaiana 2 во Киноверзум (16 март)
📽️ Sonic the Hedgehog 3 во Киноверзум (16 март)
📽️ Dogman во Киноверзум (16 март)
📽️ Despicable Me 4 во Киноверзум (16 март)

Во Хановер сум била 6-7 пати претходно, ама овој пат беше после пауза од цели две години. Мислам дека паузата направи да го реоткријам и да го почитувам повеќе од обично.

Хановер, главниот град на сојузната покраина Долна Саксонија (Niedersachsen) со околу 545.000 жители е 4ти најголем град во Северна Германија (после Берлин, Хамбург и Бремен). Градот е познат по тоа што таму се одржуваат многу саеми, (Hanover Messe е еден од најголемите изложбени простори на светот), а познат е и затоа што бил престолнина на Кралството Хановер. Како еден од најтешко погодените градови во Втората Светска Војна, 90% oд центарот од градот бил уништен во 88 бомбардирања. Денес, само 25% од градбите во градот се постари од 1950 година.

40 паркови, шуми и градини, 10 езера, 2 реки и канал

Според некои метрики градот има 65% зеленило и е 54иот најзелен град во државата. Според туристичкиот вебсајт Visit-Hannover.com, oколу 11.4 % од површината на градот се зелени простори (oвде спаѓаат паркови, градини и рекреативни површини) што го прави Хановер најзелен град во Германија.

Настрана овие семантички полемики, факт е дека Хановер има многу, многу зеленило во себе. Околу 45.000 дрвја ги оивичуваат улиците на Хановер и секоја година се садат помеѓу 500 и 750 нови крајпатни садници. Според едно скорашно истражување, 91% од граѓаните се „задоволни“ или „многу задоволни“ од зелените површини во нивниот град. Во ниту еден друг град немало толку висок процент на задоволни граѓани. Најрепрезентативен пример е парк шумата Eilenriede со површина од 6.5 km² (за споредба, парк шумата во Гази Баба има површина од 1km², а градски парк 0.48km²).

Езерото Маш (Maschsee) е најголемата водна површина во Хановер. Се наоѓа во центарот на градот и е вештачко езеро изградено во 1930тите од страна на нацистите. Денес е едно од најубавите езера во Германија и место за рекреација и за водни спортови.

Park der Sinne (Паркот на сетилата) се наоѓа во предградието Латцен (каде што живеат најголемиот број Македонци во Хановер) и е направен после 2000 година врз поранешна депонија. Паркот има 30 станици дизајнирани за различните сетила и сензорни објекти каде што можат да се видат, слушнат, допрат, пробаат или помирисаат четирите елементи (вода, воздух, оган и земја).

И не се само парковите, езерата и другите места определени за спорт и рекреација. Насекаде низ градот, во кој и дел да се наоѓаш има парк на максимум 5-10 минути пешачење, насекаде има луѓе што се занимаваат со спорт, дури и модата е неприродно спортска во сите годишни времиња. Дури и во најшминкерските и најскапите делови од градот, луѓето цело време носат хеланки, водоотпорни јакни, планинарски кондури и слични облеки типични за gorpcore стилот.

Чао на евтината азиска храна

Една од моите омилени работи во оваа држава и овој град отсекогаш била што може(ше) да се јаде евтина и квалитетна азиска храна1.

Mоите хиперентузијастични, неестетски insta stories од предпандемиски оброци:

Во 2021 веќе станувам свесна за тоа колку е привилегија да имаш пристап до евтина и вкусна храна кога си излезен во град.

Во 2023 сушито е унапредено од сториња на feed

И сега како во филмовите, да премотаме до 2025 и до непријатното изненадување дека евтината далечноазиска храна на којa толку ѝ се радував веќе не е толку евтина или не е воопшто евтина.

Едната порција суши (8 sake maki, 5 California IO, 5 sake IO) што пред 2 недели ја платив 12.5 евра, според оваа слика од менито од ресторанот пред една година чинела 8.9 евра (М7).
Вториот пример е од друг ресторан каде што виетнамската супа фо (во менито Pho Ha noi) во март 2024 била 10 евра, во ноември 2024 11.5 евра, а веќе во февруари 2025 чинеше 13.5 евра.

Kaко надоврзување на темата од претходната недела дека цените во Германија растат со неверојатна брзина, не е изненадување што истото се случува и кај нас, впрочем тоа го предвидоа и сите макроекономски анализи.

За крај, сигурно има други германски градови што се must-see пред да го посетите 13иот најголем град во Германија. Ако не сакате премногу гужви и туристи, а сакате модерна уметност (повеќе за тоа во наредниот newsletter) и особено ако сте sportlich тип, туристички потценетиот Хановер е добра дестинација за вас.

🗞️ (Хипер)локални вести

• Од први март поскапе парното за корисниците на ЕСМ Енергетика и Скопје Север.

• Крајно време беше македонски медиум да ја интервјуира словенечката министерка за дигитализација. Виничанка и Словенка, Емилија Стојменова - Дух е првата министерка која не беше Словенка и прва жена - вонредна професорка на катедрата за ИКТ на Факултетот за електротехника во Љубљана. “Во Словенија е скандал ако јавна услуга не работи еден час – во Македонија нема ни службен мејл“

• Ако ви се наоѓаат гуми од возила дома, сега може да ги оставите во Аеродром на собирното место на „Гуматек“.

• Затоа што нема доволно тинејџери со коли во градот, Општина Центар доделува субвенции од 10000 ден за лица родени 2007 за полагање на возачки испит Б-категорија. Оваа идеја сепак прво им текна пред неколку години на генијалците од Општина Карпош каде што може да се субвенционира и до 100% од износот на обуката. Карпош има и листа на авто-школи кои мора да ги користите.

• Ако сте заинтересирани за визуелна уметност има 2 добри изложби оваа недела во Скопје. Едната е изложбата „ОСТЕН Биенале Скопје 2024“ во Чифте Амам со дела од светски познати уметници како Jean Boghossian и Michelangelo Pistoletto (отворена до 9 март). Втората е „Сите деца на Родољуб Анастасов“ со дела од 42 уметници, сите поранешни студенти од сликарските класи на Анастасов од ФЛУ (1980-2000год.).

• Aко сте заинтересирани за визуелна уметност, а не сте во Скопје/ не ви се излегува од дома, погледнете ја оваа оnline галерија на МАРХ: Просторот во делата на Родољуб Анастасов

• Ако знаете средношколец заинтересиран за стрипови, здружението „Макстрипови“ и МКЦ организираат неколкунеделна Стрип Школа за млади таленти.

🔥 Топла препорака

Mojaта најтопла препорака за оваа недела, па и месец е да го погледнете латвискиот анимиран филм Flow (кај нас преведен како „Поплава“).
Главниот протагонист е Мачката чиј дом е уништен од поплава и таа се засолнува на брод со неколку други животни. Покрај тоа што визуелно е прекрасен, приказната е топла и интересна, мислам дека најјаката страна на овој цртан филм е што од една страна е мал, симпатичен филм за животни во кој што би уживале сите деца, а од друга е филм со силна политичка порака наменета за возрасните.
Flow досега има добиено 52 награди меѓу кои е и оскарот за најдобар анимиран филм.
Може да го гледате на 20 март во Кинотека и во Cineplexx oд 6 март.

🔗 Вреди да се кликне

• Го изгубивме приматот за производство на сончоглед, афион, памук: Дали субвенциите може да помогнат за враќање на овие култури? - Пари

• Звукот на Дебар Маало: Врева и бес(помош) - Призма

• На Владата ѝ се поважни ветерниците и фотоволтаиците од храната - Дома

• Од што се плаши Латас кога ве поттикнува да нè силувате и линчувате - ИРЛ

• ИЈЗ: Годинава има една третина повеќе грипозни во споредба со лани - Мета.мк

• Националната мрежа против насилство врз жени и семејно насилство реагира на измените на Законот за полиција - Радио МОФ

• Тони олово, стакло и пластика завршиле лани во Македонија -Deutsche Welle

• Македонија и климатските промени: Поглед од птичја перспектива - Дома

• Кога воздухот што го дишеме станува опасен за живот - ТРН

• Шеснаесет проценти од населението умира прерано поради загаден воздух - Телма

🗓️ Настани

(3 - 9 март)

📽️ Во Cineplexx оваа недела се прикажуваат Gladiator 2, Nosferatu, Marked Men, The Unbreakable Boy, Den of Thieves: Pantera, Captain America: Brave New World, Bridget Jones: Mad About the Boy , „Сите го викаат Реџо“ и Three Kilometres To The End Of The World. Од 6 март (четврток) може да се гледаат Mickey 17 (новиот филм од режисерот на Parasite, Bong Joon-ho) и латвискиот анимиран филм Flow (еден од моите омилени филмови од 2024)
📽️ Во Cineplexx од 3 до 10 март има Оскар ревија во која може да гледате некои од филмовите номинирани за Оскар за 200 денари.
📽️ Во Кино Милениум од оваа недела се прикажуваат германскиот трилер Schock и Maria, филмот за последните денови на Maria Callas
🛍️ Осмомартовски Базар во ГТЦ (1 - 8 март)
🛍️ „Сити базар – Подари љубов“ во Skopje City Mall (2 - 8 март)
📽️ Back to the Future 2 во Кинотека (3 март)
📽️ Three Kilometres To The End Of The World во Кинотека (3 март)
📽️ Maria во Киноверзум (3 март)
🎭 „Марта Верина“ во Македонски Народен Театар (3 март)
📽️ Requem for a Dream во Кинотека (4 март)
🎭 „За нас почнува живот“ во Драмски театар (4 март)
🎭 „Снег“ во МКЦ (4 март)
🎭 „12“ во МНТ (4 март)
🎸 Laibach во Филхармонија (4 март)
📽️ The Straight Story во Кинотека (5 март)
📽️ A Real Pain во Киноверзум (5 март)
📽️ Maria во Киноверзум (5 март)
🎭 „Фамилијата Адамс“ во Драмски (5 март)
🎭 „Не се клади на Енглези” во МНТ (5 март)
📖 Промоција на новиот број на списанието „Зенит“ и разговор со Милчо Манчевски во Europe House (5 март)
📖 Разговор со Калина Малеска во „Браќа Миладиновци“ (5 март)
🖼️ Изложба на Анита Огњановска „Во спокој“ во КИЦ (5 март)
🖼️ Изложба „Обмислување на современиот звучен пејзаж: Експериментални практики во визуелниот контекст“ во Галерија ФЛУ (5 март)
📽️ Victoria Must Go во Кинотека (6 март)
🎻 „Бајка“ во Филхармонија (6 март)
🎭 „Диши“ во Драмски (6 март)
🎭 „Снег“ во МКЦ (6 март)
🎭 „Бели Ноќи” во МНТ (6 март)
🎻 Чалгија Саунд Систем во Public Room (6 март)
🎸 marumaru и Јоана Ристеска во Лабораториум (6 март)
🎸 LAGOSS во КИЦ (6 март)
📽️ Xotel проекции во Буква (6 март)
📽️ Summer Rebels во Кинотека (7 март)
📽️ Македонски спортски документарни филмови во Кинотека (7 март)
🎭 „Мојот маж“ во Драмски (7 март)
🎭 „Народен пратеник“ во МНТ (7 март)
📖 Поетско читање „Одблесоци“ во Лабораториум (7 март)
🪧 Протестен марш и бојкот за 8 Март: Нека јадат ружи! од пред Универзална Сала (8 март)
📽️ Crna Marija во Кинотека (8 март)
🎤 „Волкот на љубовта“ во МНТ (8 март)
🎭 „Кафез кај кокони“ во Драмски (8 март)
🎸 Јелена Томашевиќ во Националната опера и балет (8 март)
🎸 Јоце Панов во Филхармонија (8 март)
🖼️ Култура ß работилница за колажи и изложба во Буква (8 март)
🎸 Doomsday: Ladies first во Маракана (8 март)
🏆 Lab Cup vol.2 - шах во Лабораториум (8 март)
📖 Поетско читање „Не можат сите да нè запалат! – Јас не сум таа“ во Baker Street (8 март)
🏆 Женско Рели во СЦ Борис Трајковски (9 март)

Настани за деца

📽️ Во Cineplexx на репертоарот се овие филмови за деца: Paddington in Peru, Sonic the Hedgehog 3, Mufasa: The Lion King, Dogman и Elli and the Ghostly Ghost Train
📽️ Elli and the Ghostly Ghost Train во Киноверзум (3 март)
📽️ Elli and Her Monster Team во Милениум (3, 4 и 5 март)
🎭 „Пипи долгиот чорап“ во Театарот за деца и младинци (6 март)
🎭 “Свадби на животни и нешта“ во театар „Сенки и облаци“ (6 март)
🎭 „Тоби“ во Театарот за деца и младинци (7 март)
🎭 „Палешка“ во Театарот за деца и младинци (8 март)
📽️ „Бамби: Приказна за животот во шумата“ во Кинотека (8 март)
🎭 „Рибарот и златната рипка" во Public Room (8 март)
📝 Предавање во Планетариум во МКЦ (8 март)

Каталогот на Kaufland е единствениот каталог од германски супермаркет кој што стигна до мене во периодот додека бев таму. Kaufland, според reddit, е еден од поевтините супермаркети во Германија, а според Википедија е дел од групацијата Schwarz Gruppe што исто така го поседува и Лидл. Според „нашите во Германија“, Kaufland е дисконт вид на супермаркет, генерално меѓу поевтините, ама не е многу достапен, што значи нема многу продавници, за разлика од Lidl, Aldi и сл.

Мојата прва идеја беше да ги споредам цените на производите во Kaufland со цените во Стокомак, ама после првата посета на Стокомак, сфатив дека таму нема голем дел од производите. Значи методологијата беше следна:

• Споредба најевтин со најевтин. Ако го нема производот во Стокомак, го барам во наредниот евтин супермаркет, во случајот КАМ, па Тинекс и на крај како последен обид, во Веро1.

• Споредба само на производи што ги има кај нас и се од истиот бренд и грамажа.2

• Датите се приближно тука некаде, каталогот е за периодот 13-19 февруари. Јас македонските цени ги барав на 21 и 22 февруари.

• Цените во евра се изразени во денари според средниот курс на курсната листа на Народна банка на 22 февруари.

Овошје и зеленчук

Овде има јасен победник, а тоа се македонските цени. 7/7 зеленчуци и овошја се поевтини кај нас отколку во Германија. Патем, кромидот е многу поскап од сѐ друго затоа што е „био“. Сеедно, дури и обичниот „небио“ кромид е поскап од нашиот.

Junk food и алкохол

И овде има јасен победник, овој пат германските цени. Алкохолот и разните пакувани кондиторски производи, чоколади, бонбони и сл се поевтини. Од чипсови и пива, до чоколади и разни сокови и ледени чаеви и кафиња, скоро сите се поевтини отколку кај нас. Единствен исклучок е Кока Кола која што конзистентно е поевтина кај нас. На сликава е поевтина и вотката која што во Тинекс беше на сериозен попуст, од 785 на 599 ден. Во сите други продавници Smirnoff (0.7l) беше поскапа од германската.

Хигиенски производи и разно

Оваа категорија беше најтешка за споредба затоа што шампон и таблети за машина за садови е невозможно да се најдат исти како тие во Германија. Пр. Head&Shoulders шампонот таму е Apfel (јаболко) Fresh и 500ml, а овде има Мenthol Fresh и Ocean Fresh oд 400ml. Таблетите исто така се во разни пакувања, од 75 и 85 таблети, ама не и од 80. Затоа овие цени се за 100ml и за една таблета.
Дури и со сите овие фусноти и објаснувања, и овие како и погорните стоки за широка потрошувачка што имаат голем обрт, се поевтини отколку кај нас.

Заклучок

10 ставки на мојата анализа се поевтини во Германија, а 9 се поевтини во Македонија. Само со овој податок може да се заклучи дека не е голема разликата во цените. Затоа, јас додадов уште еден чекор каде што ги собрав цените на овие производи и се добива скроз друга слика. Оваа арбитрарна селекција на производи во Германија во еден од поевтините супермаркети ќе ве чини околу 6721 ден, а во Македонија во 5 различни маркети ќе треба да ги ловите каде се најевтини и ќе платите 9748.

Важно: оваа група производи е далеку од репрезентативна месечна кошничка заради тоа што:

• Воопшто нема од запакуваните производи со најкраток рок затоа што скоро и да нема преклопување на брендовите од овие категории. Едноставно, и Германците и ние јадеме локално произведено месо, риба, млеко, леб и јајца. Овие се генерално поскапи отколку кај нас, слично на овошјето и зеленчукот.

• Од друга страна, анализата нема и многу запакувани, а потрајни производи (разни пасти, намази, смрзнати производи, јатки, кондиторски производи, итн) кои што се поевтини таму.

• Има премногу алкохол за да биде месечна кошничка. Ако сметате дека скоро 3л жестоко е таман за еден месец, можеби имате поголем проблем од цените во маркетите.

• Хигиенските производи се доволни само за хигиена на коса и садови.

Додека го пишувам ова, излегуваат и првите резултати (од exit polls) од денешните парламентарни избори во Германија. Германија е во тешка економска криза што се гледа и по порастот на бројот на гласови за ултрадесната, ултраконзервативна Alternative für Deutschland (AfD) која што засега е на второ место. Ова ќе биде веќе трета година како германската економија е во рецесија, а македонските цени се такви какви што се (веќе превисоки).

Дополнителна „литература“ за Германија, кризата и тоа како (ќе) се одразува на македонската економија:

• Каде се парите: Трамп во економска пресметка со светот. Каде во ова е Македонија? - YouTube

• Кризата во Германија го намали извозот на македонски производи - Независен

• Криза во Германија, проблеми во „Мода“ Свети Николе: Редуцирани нарачки – помалку вработени - Пари

• Германија: Миграцијата и економијата главни во кампањата -
  Deutsche Welle

• Подем на десничарите во Германија во пресрет на изборите - Voice of America

🗞️ (Хипер)локални вести

• Важно, преважно известување за сите што живееме без зонско паркирање. „Нови зонски паркиралишта годинава ќе се организираат во неколку општини и тоа во Карпош, Аеродром, Гази Баба, Чаир, Сарај и Кисела Вода“. (Слободен Печат)

• Ако имате бизнис регистриран во општина Центар, сега постои pdf документ што дава директен пристап до административни процедури, електронски услуги, стратешки документи и барања кои му требаат на еден бизнис. (Макфакс)

• Полицијата претходниот викенд издала 3.142 платни налози за сообраќајни прекршоци, од кои на 247 лица кои возеле без возачка дозвола, 111 кои управувале возила под дејство на алкохол и 56 кои разговарале на мобилен телефон при возење. Ако се разработи сообраќајната полиција како што треба, може да биде win-win-win за сите, и буџетот полн со парите од казни, и некој глас за ВМРО на идните избори и најбитно, побезбеден град.

• Дали знаете како да постапите ако видите сечење на зеленило за кое не сте сигурни дали е легално? Зелен Хуман Град има водич за што да направиш во случај да видиш екипа која интервенира врз зеленило.

• Дали знаевте дека сендвичарите Тетекс веќе некое време организираат натпревари во брзо јадење ќебапи?

• Дали знаевте дека секоја прва недела (како ден недела, не како седмица) во Cineplexx се прикажуваат филмови со попуст? За 150 ден може да ги гледате најпопуларните филмови од претходниот месец.

• ChatGPT може не знае да го напише овој newsletter, ама затоа знае да „напише“ добар дел од текстовите во македонските „сериозни“ портали.
  

🔗 Вреди да се кликне

• Сомнителни јазични сертификати: Како функционерите го заобиколуваат системот - Призма

• Акција на Форумот за образовни промени: Не се повлекуваме од барањето за разрешување на Кочо Анѓушев од Машински факултет - Радио МОФ

• Визер ја укинува линијата Скопје – Будимпешта - Телма

• Маргинализираните заедници на удар по кратењето на помошта од УСАИД - Призма

• Опасности од ботокси и филери во немедицински услови - Види Вака

• Конференција на ХЕРА за улогата на мажите: Храбро е да се зборува за емоциите, проблемите и предизвиците, така стануваме посилни - Мета

• Зависност од автомобили „се лечи“ со одржлив транспорт и урбана инфраструктура по правила - Радио МОФ

• Картелско здружување на четири синџир маркети: Нелегално договарале цени за нивните производи - Пари

• Општински проекти од унгарскиот кредит – Милиони евра за асфалт - Радио Слободна Европа

• ЗХГ: Сиљановска со потпис овозможи уништување земјоделско земјиште за сметка на создавање енергетски монополи - Радио МОФ

🗓️ Настани

(24 февруари - 2 март)

📽️ Во Cineplexx оваа недела се прикажуваат Gladiator 2, Nosferatu, Marked Men, The Unbreakable Boy, Den of Thieves: Pantera, Captain America: Brave New World, Bridget Jones: Mad About the Boy , „Сите го викаат Реџо“ и Three Kilometres To The End Of The World. Од четврток натаму може да ги гледате и A Real Pain (со Jesse Eisenberg и Kieran Culkin), Maria за последните денови на Maria Callas (со Angelina Jolie) и трилерот Last Breath.
📽️ Во Кино Милениум од оваа недела се прикажува романскиот Three Kilometres To The End Of The World.
📽️ Во Киноверзум во Кисела Вода може да ги погледнете Captain America: Brave New World и Bridget Jones: Mad About the Boy.
📽️ The Matrix Revolutions во Кинотека (24 февруари)
🎸 Aspirin Moon во паб „Sе“ (24 февруари)
📽️ L'Amour et les forêts во Кинотека (25 февруари)
📽️ The Green Border во Кинотека (25 февруари)
🎭 „Драми на принцезите“ во Драмски театар (25 февруари)
🎭 „Народен пратеник“ во МНТ (25 февруари)
🖼️ Изложба „Сите деца на Родољуб Анастасов“ во Музеј на Град Скопје (25 февруари)
📖 Μедуза Book club и работилница „Теорија на торбата во фикцијата“ од Урсула К. Ле Гвин во Илика (25 февруари)
📽️ L'Amour et les forêts во Кинотека (26 февруари)
📽️ Emilia Pérez во Кинотека (26 февруари)
🎭 „Хеда Габлер“ во Драмски (26 февруари)
🎭 „Глад“ во МКЦ (26 февруари)
🎸 Експериментален џем со Црно Собрание во Лабораториум (26 февруари)
🎻 Концерт на Симон Трпчески, Македонисимо и пријателите во Националната опера и балет (26 февруари)
🖼️ „Изложба 100 години од раѓањето на Ристо Лозаноски“ во Даут пашин амам (до 27 февруари)
📽️ Shock во Кинотека (27 февруари)
📽️ Mlad i zdrav kao ruža во Кинотека (27 февруари)
🎻 „Фанфари за еден пријател“ во Филхармонија (27 февруари)
🎭 „Мојот маж“ во Драмски (27 февруари)
🎭 „Лагата” во МНТ (27 февруари)
🎸 Фолтин во Public Room (27 февруари)
📖 Промоција на каталогот „100 предмети од збирките на Археолошкиот музеј“ во Археолошкиот музеј (27 февруари)
📖 Промоција на учебникот "Граѓанска и политичка партиципација" од Јасмина Трајкоска Наумоска, Јосипа Ризанкоска и Гордан Георѓиев во Јадро (27 февруари)
🎸 Next to Silence во Котур (27 февруари)
📽️ Rebel Without A Cause во Кинотека (28 февруари)
🎭 „Фамилијата Адамс“ во Драмски (28 февруари)
🎭 „12“ во МНТ (28 февруари)
🎻 Barcelona Gipsy Balkan Orchestra во Филхармонија (28 февруари)
🎸 Odron Ritual Orchestra + Christopher Robin Cox во паб „Sе“ (28 февруари)
🖼️ „Изложба на студентски проекти од Архитектонски факултет“ во Јадро (28 февруари)
🖼️ Архитектонска изложба на студентски проекти од МИТ Универзитет Скопје во Метаноја (28 февруари - до 7 март)
🖼️ Интерактивна изложба „Денот на Баба Марта“ во Europe House (28 февруари)
📖 „Клинци #6“ книжевно читање и изложба во Europe House (28 февруари)
📽️ Back to the Future во Кинотека (1 март)
📽️ Three Kilometres To The End Of The World во Кинотека (1 март)
🗣️ „Кармен“ во Национална опера и балет (1 март)
🎭 „Чудесна терапија“ во Драмски (1 март)
🎭 „Народен пратеник“ во МНТ (1 март)
🎸 Фестивал ЗЕМЈОТРЕС #13 во МКЦ (1 март)
🎸 Дани Димитровска во Public Room (1 март)
🎸 Владимир Четкар во Бонобо (1 март)
🎸 Културно уметнички работници во Long Play (1 март)
🛍️ Vintage Bazar и Подари чаша, земи флаша во Погон (1 март)
🪧 Акција за чистење „За почиста Македонија“ на Марков Манастир (1 март)

Настани за деца

📽️ Во Cineplexx на репертоарот се овие филмови за деца: Paddington in Peru, Sonic the Hedgehog 3, Mufasa: The Lion King, Dogman и Elli and the Ghostly Ghost Train
📽️ Во кино Милениум оваа недела на репертоарот се WOW! Message from outer space, Bambi и Elli and the Ghostly Ghost Train
📽️ Во Киноверзум во Кисела Вода може да се гледаат Paddington in Peru, Sonic the Hedgehog 3, и Despicable Me 4.
🎭 „Петар Пан“ во МНТ (25 февруари)3
🎭 „Мачорот во чизми“ во Театарот за деца и младинци (27 февруари)
🎭 “Свадби на животни и нешта“ во Театар „Сенки и облаци“ (27 февруари)
🎭 „Хајди“ во Театарот за деца и младинци (28 февруари)
🎭 „Цветната улица“ во Театарот за деца и младинци (1 март)
🎭 „Волшебната шума“ во Public Room (1 март)
📝 Предавање во Планетариум во МКЦ (1 март)
🎭 Еко претстава и работилница “Марсовски Пикник“ во Public Room (2 март)